Gondiya News: शेतकऱ्यांच्या डीएपी व युरियाच्या मागणीचा गैरफायदा घेत मिश्रखत खरेदीची सक्ती केली जात असल्याचा गंभीर आरोप पीपीएल (PPL) कंपनीवर करण्यात आला आहे. तुमसर (ता. गोरेगाव) येथील कृषी सेवा केंद्राचे संचालक व जिल्हा कृषी सेवा केंद्र संघाचे पदाधिकारी मुकेश अग्रवाल यांनी यासंदर्भात तक्रार दाखल केली आहे..अग्रवाल यांनी जिल्हा अधीक्षक कृषी अधिकारी, जिल्हाधिकारी तसेच आमदार व खासदारांकडे लेखी निवेदन देत या प्रकरणी तातडीने कारवाईची मागणी केली आहे. त्यांच्या माहितीनुसार, पीपीएल कंपनीकडून २० डिसेंबर रोजी युरियाचा एक रॅक मागविण्यात आला होता. विदर्भ मार्केटिंग फेडरेशनच्या माध्यमातून ही माहिती कृषी क्षेत्रातील घाऊक व किरकोळ विक्रेत्यांना देण्यात आली..Fertilizer Linking Issue: दोघे भाऊ, मिळून खाऊ.मात्र, प्रत्यक्ष विक्रीदरम्यान ग्राहकांना एक युरिया खताची पोती खरेदी करण्यासाठी दोन मिश्रखतांची पोती घेणे बंधनकारक असल्याचा स्वयंघोषित ‘अलिखित फतवा’ कंपनीकडून लादण्यात आल्याचा आरोप आहे. या अटीवरच युरियाचा पुरवठा करण्यात आल्याचे सांगण्यात आले..या प्रकाराबाबत २२ डिसेंबर रोजी एका विक्रेत्याने विदर्भ मार्केटिंग फेडरेशनचे अधिकारी प्रशांत हावडे पाटील यांच्याशी संपर्क साधला असता, त्यांनीही दुसरे उत्पादन घ्यावेच लागेल, अशी सक्ती केल्याचा आरोप तक्रारीत करण्यात आला आहे. या गंभीर प्रकरणाची तक्रार विविध पातळ्यांवर करण्यात आल्याने आता प्रशासनाकडून नेमकी कोणती कारवाई होते, याकडे शेतकरी व विक्रेत्यांचे लक्ष लागले आहे..Fertilizer Subsidy : खत अनुदान वितरणासाठी आता ई-बिल प्रणाली; अनुदानातील गैरव्यवहार टाळता येणार.कृषी विभागाची हतबलता‘‘लिंकिंग ला नाही म्हणा’’ असा शब्दप्रयोग असलेल्या भिंती पत्रिका व घडी पत्रिका छापत त्या कृषी सेवा केंद्रावर उपलब्ध करून देण्यात आले आहेत. एवढ्या पुरतीच कृषी विभागाची लिंकिंग विरोधातील कारवाई मर्यादित राहिली आहे..“मुकेश अग्रवाल यांची तक्रार प्राप्त झाल्यानंतर हे प्रकरण कृषी विकास अधिकाऱ्यांकडे कारवाईसाठी पाठविण्यात आले आहे. याप्रकरणी गंभीर कारवाई करण्याच्या सूचना देण्यात आल्या आहेत.” नीलेश कानवडे, जिल्हा अधीक्षक कृषी अधिकारी, गोंदिया.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
