Mumbai News: तलासरी नगर पंचायतीच्या पश्चिमेस असलेल्या मंडळपाडा परिसरातील सुमारे २,००० लोकसंख्या आणि २८० कुटुंबे गेल्या १५ ते १७ वर्षांपासून मूलभूत सोयीसुविधांपासून गंभीरपणे वंचित आहेत. नगर पंचायतीच्या हद्दीत असूनही या पाड्यात आजतागायत शासकीय पाणीपुरवठा सुरू न झाल्याने ग्रामस्थांमध्ये तीव्र संताप आहे..या भागात अधिकृत नळजोडणी नसल्याने ग्रामस्थ एकाच विहिरीवर अवलंबून आहेत. विहिरीपर्यंत पोहोचण्यासाठी महिलांना चिखल आणि नाले ओलांडून लांब पायपीट करावी लागते. तर पावसाळ्यात नदी-नाल्यांना पूर आल्यास विहिरीत चिखलकट आणि दूषित पाणी शिरते..Water Project: सावर्डे खुर्दचा पाझर तलाव पूर्णत्वाकडे.पर्यायी स्रोत नसल्याने ग्रामस्थांना हेच पाणी पिऊन जगावे लागते. नोव्हेंबर ते जून या काळात येथे पाण्याची तीव्र टंचाई निर्माण होते. त्यामुळे महिलांना खासगी बोअरवेल मालकांकडे पाण्यासाठी विनवणी करावी लागते..Water Scarcity: जलसंकटाचे सावट.मूलभूत सुविधांसाठी वर्षानुवर्षे भटकंती करावी लागणाऱ्या मंडळपाडा येथील युवक, महिला आणि सामाजिक कार्यकर्त्यांनी “नगर पंचायतीत विकास नाही; आम्हाला ग्रामपंचायतीत विलीन करा” अशी मागणी जोरकसपणे पुढे केली आहे.नगर पंचायतीवर दुर्लक्षाचा आरोपग्रामस्थांनी अनेकदा प्रशासनाचे लक्ष वेधूनही कोणतीही ठोस उपाययोजना झाली नाही. नगर पंचायतीचा विकास केवळ मर्यादित शहरी भागापुरता असून, ग्रामीण पाड्यांकडे पूर्ण दुर्लक्ष होत असल्याचा आरोप स्थानिकांनी केला आहे. कागदपत्रांवर नळजोडणीचे प्रस्ताव दिसत असले तरी प्रत्यक्षात अनेक वर्षांपासून प्रतिसाद मिळालेला नाही. तसेच, अपुरे सोलर पथदिवेही राजकीय कार्यकर्त्यांच्या घरासमोर बसविल्याचा आरोप नागरिकांनी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
