Candidate Nomination : यवतमाळ जिल्हा बँक निवडणुकीत महाविकास आघाडीला छाननीतच धक्का बसला आहे. काँग्रेसचे प्रफुल्ल मानकर आणि श्रीनिवास नालमवार यांचे नामांकन अर्ज बाद झाले आहेत. तसेच युतीच्या उमेदवारांविरोधात दाखल करण्यात आलेले तीन आक्षेप फेटाळण्यात आले आहेत. या घडामोडीनंतर निवडणुकीतील छाननी प्रक्रियेबाबत राजकीय वर्तुळात चर्चा सुरू झाली आहे..यवतमाळ जिल्हा बँकेच्या २५ जागांसाठी तब्बल ३८१ नामांकन अर्ज दाखल झाले आहेत. त्यामुळे छाननीनंतर निवडणुकीचे चित्र स्पष्ट होण्याकडे उमेदवार आणि राजकीय पक्षांचे लक्ष लागले होते. सहकार भवन येथे निवडणूक निर्णय अधिकाऱ्यांनी नामनिर्देशनपत्रांची छाननी केली. या वेळी उमेदवार, मतदार आणि कार्यकर्त्यांची मोठी गर्दी झाली होती..Buldhana DCC Bank Election: बुलडाणा जिल्हा बँकेची निवडणूक ठरणार लक्षवेधी.छाननीनंतर तालुका गटांतील प्रतिस्पर्धी उमेदवारांच्या नामनिर्देशनपत्रांवर आक्षेप नोंदविण्यात आले. यामध्ये काँग्रेसचे प्रफुल्ल मानकर यांच्या अर्जावर दाखल करण्यात आलेला आक्षेप निवडणूक निर्णय अधिकाऱ्यांनी ग्राह्य धरला. त्यामुळे त्यांचा अर्ज बाद झाला. श्रीनिवास नालमवार यांचाही नामांकन अर्ज बाद करण्यात आला. महाविकास आघाडीतील दोन प्रमुख उमेदवारांचे अर्ज बाद झाल्याने आघाडीच्या गोटात राजकीय हालचालींना वेग आला आहे..दरम्यान, गीता पाटील, सुरेखा ठाकरे, सुनीता ठाकरे, जगदीश सुरजुसे आणि कुशल ठाकरे यांचेही नामांकन अर्ज बाद करण्यात आले आहेत. दुसरीकडे अमन गावंडे, प्रकाश देवसरकर आणि वसंतराव घुईखेडकर यांच्या नामांकन अर्जांवर दाखल करण्यात आलेले आक्षेप निवडणूक निर्णय अधिकाऱ्यांनी फेटाळले आहेत. त्यामुळे संबंधित उमेदवारांना निवडणूक लढविण्याचा मार्ग तूर्त मोकळा झाला आहे..DCC Bank Election: अखेरच्या दिवशी ८३ उमेदवारांची माघार; १२ जागांसाठी रंगणार थेट लढत.यवतमाळ जिल्हा बँकेच्या निवडणुकीत बहुतांश तालुका गटांमध्ये जागांच्या तुलनेत उमेदवारांची संख्या अधिक आहे. त्यामुळे निवडणूक रिंगणातील उमेदवारांची संख्या कमी करण्यासाठी आता राजकीय पातळीवर मनधरणीचे प्रयत्न होण्याची शक्यता आहे. नामांकन अर्ज मागे घेण्यासाठी १४ दिवसांचा कालावधी आहे. या काळात उमेदवारांची माघार, आघाड्या आणि स्थानिक पातळीवरील राजकीय समीकरणांमध्ये बदल होण्याची शक्यता आहे. त्यानंतर यवतमाळ जिल्हा बँक निवडणुकीतील अंतिम चित्र स्पष्ट होईल, अशी माहिती सूत्रांनी दिली..मानकरांचा अर्ज दुसऱ्यांदा बादयवतमाळ जिल्हा बँक निवडणुकीत प्रफुल्ल मानकर यांच्या नामांकन अर्जाचा विषय पुन्हा चर्चेत आला आहे. मागील निवडणुकीतही त्यांच्या अर्जावर आक्षेप घेण्यात आला होता आणि तो बाद झाला होता. यंदाच्या निवडणुकीतही त्यांच्या अर्जावर आक्षेप दाखल करण्यात आला. निवडणूक निर्णय अधिकाऱ्यांनी हा आक्षेप ग्राह्य धरल्याने त्यांचा अर्ज पुन्हा बाद झाला आहे. सलग दोन निवडणुकांमध्ये नामांकन अर्ज बाद झाल्याने हा मुद्दा चर्चेचा ठरला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
