Jalgaon News: जळगाव खानदेशात मक्याची लागवड मागील महिन्यात सुरू झाली. लागवडीस या आठवड्यात गती आली. यंदा पेरणी वाढणार आहे. ही लागवड सुरू झाली असून, रब्बीतील लागवड ७५ ते ८० हजार हेक्टरवर होईल..यातच मागील महिन्याच्या सुरुवातीला लागवड केलेल्या मका पिकात अमेरिकन लष्करी अळीचा शिरकाव काहीसा आहे. ही समस्या धरणगाव तालुक्यातील पथराड, झुरखेडा, धार भागांत दिसत आहे. या भागात अर्ली रब्बी मका पीक आहे.अर्ली मका पिकात सध्या शेतकरी फवारणी घेत आहेत. एक महिन्याच्या पिकात फवारणी घेऊनही अळीचा अटकाव होत नसल्याने शेतकरी जेरीस आले आहेत..Maize Sowing : मका लागवड रखडत सुरू.मका लागवड खरिपात विक्रमी म्हणजेच ९८ हजार हेक्टरवर झाली होती. खरिपातही दोन-तीनदा पिकात फवारणी घ्यावी लागली होती. आता रब्बीतही लागवड वाढत आहे. डिसेंबरअखेरीसही लागवड सुरू राहणार आहे. जळगाव जिल्ह्यातील मका लागवड ६० ते ६५ हजार हेक्टरवरअपेक्षित आहे. यंदा लागवड सुमारे २० टक्के वाढणार आहे. .कारण गहू, बाजरी आदी पिके परवडेनाशी झाली आहेत. मक्याचे दर सध्या अस्थिर आहेत. पण चारा व अन्य बाबींसाठी शेतकऱ्यांनी मका लागवड वाढविली. गेल्या रब्बी हंगामात लागवड सुमारे ७५ हजार हेक्टरवर झाली होती. या हंगामातही लागवडवाढणार आहे..वाढता खर्च डोकेदुखीपरंतु अमेरिकन लष्करी अळीचा प्रकोप आणि वाढता उत्पादन खर्च यामुळे अनेक शेतकऱ्यांचा खर्च वाढला आहे. लागवडीनंतर पिकात २० ते २२ दिवसांत अमेरिकन लष्करी अळीचा प्रकोप होत आहे. यामुळे शेतकरी अळी, कीडनाशकांची फवारणी घेत आहेत. दीड महिन्याच्या पिकात दोनदा फवारणी घ्यावी लागते. एकरी दोन हजार रुपये, एवढा फवारणीसाठी एकदा खर्च आला आहे. तरीदेखील अळीचा अटकाव होत नसल्याचे शेतकऱ्यांचे म्हणणे आहे..Maize Cultivation : खानदेशात मका लागवड ५० हजार हेक्टरवर.जळगावातील लागवड २० हजार हेक्टरवरजळगाव जिल्ह्यात सुमारे २२ ते २४ हजार हेक्टरवर लागवड झाली आहे. पुढे लागवड सुरूच राहील. पण मका पिकातील रोगराईबाबत कुठेही शेतकरी मार्गदर्शन, पीक पाहणी होत नाही. कृषी विज्ञान केंद्र, कृषी विभागाने मध्यंतरी मार्गदर्शन कार्यक्रम राबविला. परंतु स्वस्तातील कीडनाशके, अनुदानित निविष्ठा उपलब्ध करून देण्याची मागणी शेतकरी करीत आहेत..कारण लष्करी अळीमुळे पिकाची वाढ खुंटते व उत्पादन कमी होत आहे. पिकाचे किमान २० ते २५ टक्के नुकसान या प्रादुर्भावाने होते. पोंग्यात अळीचे वास्तव्य दिसते. शेतकरी खते, सिचन याबाबत कार्यवाही व्यवस्थित करीत आहे. परंतु अळीचा नायनाट होत नसल्याने शेतकरी जेरीस आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
