Jalgaon News: खानदेशात मक्याची आवक रखडत सुरू आहे. दर १४०० ते १६५० रुपये प्रति क्विंटलवर स्थिर असून, रब्बीतील मक्याची काढणी किंवा मळणी अद्याप वेगात सुरू नसल्याने आवक कमी किंवा नीचांकी स्थितीत आहे. अर्थात, तरीही मक्यास उठाव आहे. .खरिपातील मक्यास कमी दर मिळाले. पण डिसेंबरमध्ये दरात सुधारणा झाली. तसेच, याच वेळी आवकही कमी झाली होती. रब्बीतही मक्याची लागवड झाली आहे. खरिपात पावसाने मका पिकाची हानी झाली होती. खरिपातील मक्याचे दर ९०० ते १३०० रुपये प्रति क्विंटल होते..Maize Market: मक्याचा बाजारभाव स्थिर तर बाजारातील आवक सरासरीपेक्षा जास्त .सप्टेंबर ते डिसेंबर या कालावधीत मक्याची आवक बरी होती. परंतु या महिन्यातील आवक अत्यल्प आहे. काही बाजारांतच आवक किंवा लिलाव होत आहेत. सप्टेंबर महिन्यात मक्याची आवक बऱ्यापैकी होती. या कालावधीत मक्याचे सरासरी दर १००० रुपये प्रति क्विंटल होते. या कमी दरांमुळे शेतकऱ्यांचा तोटा झाला..खानदेशात रब्बीत मक्याची लागवड स्थिर असून, ही लागवड जळगाव जिल्ह्यात सुमारे ८५ हजार हेक्टरवर झाली आहे. धुळे व नंदुरबारातील लागवडदेखील बऱ्यापैकी आहे. मक्यास पाणी अधिक लागते. तसेच अळीची समस्या व इतर बाबींवरील खर्चही अधिक आहे. काही भागांत लागवड काहीशी कमी झाली आहे..Maize Market: चांदूर बाजारात मका आवक पोहोचली ५००० क्विंटलवर.काहींनी मक्याऐवजी ज्वारी, हरभऱ्याची पेरणी केली आहे. पिकात यंदाही लष्करी अळीची समस्या होती. ती कशीबशी आटोक्यात आली. अनेक भागांत पिकात दाणे भरत आहेत. काही भागांत मार्चच्या सुरुवातीला मका पिकाची मळणी होईल. यामुळे मार्चमध्ये आवक वाढू शकते..आवक कमी असलेले बाजारमक्यासाठी खानदेशात जळगाव जिल्ह्यातील चोपडा, अमळनेर, जळगाव या बाजार समित्या प्रसिद्ध आहेत. या बाजारांत सध्या आवक कमी असून, चोपडा येथे मागील आठवड्यात प्रति दिन सरासरी ६० क्विंटल मक्याची आवक झाली आहे. खानदेशात मक्यास सध्या सरासरी १५०० रुपये प्रति क्विंटलचा दर आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.