Mahur Water Scheme News: माहूर तालुक्यात पाणीटंचाई जाणवू नये, याकरिता ग्रामीण पाणीटंचाई निवारणासाठी टंचाई कृती आराखडा तयार करण्यात आला आहे. आराखड्यानुसार पूरक नळ योजना, नवीन पाणीपुरवठा योजना तसेच दुरुस्तीची कामे हाती घेतली जाणार आहेत. टंचाई काळात प्रशासनाने दक्ष राहून कोणत्याही गावात पाणीटंचाई भासणार नाही याची खबरदारी घ्यावी व आराखड्यातील उपाययोजनांची प्राधान्याने अंमलबजावणी करावी, अशा सूचना आमदार भीमराव केराम यांनी दिल्या आहेत..माहूर तालुका डोंगराळ दऱ्या-खोऱ्यात वसलेला असून तांडी, वाडी व आदिवासी पाड्यांचा समावेश असलेला दुर्गम तालुका आहे. तालुक्यातून पैनगंगा नदी वाहत असली तरी काही गावांमध्ये आजही पाणीटंचाईची समस्या कायम आहे. जल जीवन मिशन अंतर्गत तालुक्यातील बहुतांश ग्रामपंचायतींमध्ये पाणीपुरवठा योजनांची कामे करण्यात आली असली तरी काही ठिकाणी कामांची गुणवत्ता व अंमलबजावणीबाबत प्रश्न उपस्थित होत आहेत. लोकप्रतिनिधी शासनाकडून निधी उपलब्ध करून देण्यासाठी पाठपुरावा करतात, मात्र खालच्या पातळीवरील यंत्रणेच्या दुर्लक्षामुळे अनेक योजनांचा अपेक्षित लाभ नागरिकांपर्यंत पोचत नाही, अशी नाराजीही व्यक्त होत आहे. त्यामुळे टंचाई कृती आराखड्यात समाविष्ट कामे तातडीने पूर्ण करण्याच्या सूचना आमदार केराम यांनी दिल्या आहेत. .Dharashiv Water Storage: दहा प्रकल्प कोरडे; आठवडाभरात झपाट्याने घट.आराखड्यांतर्गत नवीन विंधन विहीर घेणे, नळ योजना विशेष दुरुस्ती, पूरक नळ योजना, विंधन विहीर दुरुस्ती, विहीर अधिग्रहण, टँकरद्वारे पाणीपुरवठा, विहीर खोल करणे, गाळ काढणे तसेच स्रोत बळकटीकरणाच्या उपाययोजना राबविण्यात येणार आहेत. टंचाई काळात नागरिकांना नियमित पाणीपुरवठा व्हावा, यासाठी प्रशासनाने नियोजनबद्ध व काटेकोर अंमलबजावणी करावी, अशी अपेक्षा ग्रामस्थांमधून व्यक्त होत आहे..Water Conservation: पावसाचे पाणी मुरण्यासाठी आणि निचरा होण्यासाठी कोणत्या उपाययोजना कराव्या?.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
