Maharashtra Unseasonal Rain News Updates: राज्यातील अनेक भागात गारपिटीसह अवकाळी पावसाचे संकट कायम आहे. कोल्हापूर शहरासह जिल्ह्यातील अनेक भागांना बुधवारी (दि. १ एप्रिल) अवकाळी पावसाने झोडपले. शहरात दुपारी ३ वाजता पावसाला सुरुवात झाली आणि साडेचार वाजेपर्यंत तो जोरदार बरसला. गारपीट आणि विजांचा कडकडासह कोसळलेल्या या पावसाने अनेक ठिकाणी रस्त्यात पाणी साचले. यामुळे वाहतुकीचा खोळंबा झाला. .पावसाने आंबा, काजू पिकाचे नुकसान होण्याची शक्यता आहे. पण ऊस पिकासाठी हा पाऊस पोषक असल्याचे मानले जात आहे. कोल्हापूर शहरात वादळी पावसाने काही ठिकाणी पडझड झाली. तब्बल दीड तास पडलेल्या पावसामुळे शहरातील जनजीवन विस्कळीत झाले. या पार्श्वभूमीवर प्रशासनाने नागरिकांना खबरदारी घेण्याचे आवाहन केले आहे..कोल्हापुरातील रंकाळा परिसरात जोरदार गारपीट झाली. हातकणंगले, पन्हाळा, भुदरगड आणि इतर काही भागातही मुसळधार पाऊस पडला. यामुळे काही ठिकाणी झाडांच्या फांद्या पडून पडझड झाली असल्याची माहिती मिळाली आहे. कोल्हापूर जिल्हा आणि घाटमाथा परिसरात आज तुरळक ठिकाणी विजांच्या कडकडासह वादळी हलका ते मध्यम पावसाची शक्यता हवामान विभागाने वर्तवली आहे. .Unseasonal Rain : राज्यात पुढील ४ दिवस वादळी पावसासाठी पोषक हवामान.आज मध्य महाराष्ट्र आणि मराठवाड्यात वादळी पावसासह गारपिटीची शक्यता असल्याने ऑरेंज अलर्ट जारी करण्यात आला आहे. राज्यातील उर्वरित भागातही वादळी पाऊस आणि तुरळक ठिकाणी गारपिटीचा अंदाज वर्तवण्यात आला आहे. .साक्री तालुक्याला गारपिटीचा तडाखा उत्तर महाराष्ट्रावरही अवकाळी पावसाचे संकट कायम आहे. धुळ्यातील साक्री तालुक्याला गारपिटीचा तडाखा बसला. अवकाळी पाऊस आणि गारपिटीमुळे पिकांचे नुकसान होण्याची भीती आहे. यामुळे शेतकऱ्यांनी चिंता व्यक्त केली आहे. .Maharashtra Weather Alert: राज्यात पाऊस, गारपिटीचा इशारा.अमरावती जिल्ह्यात गहू आणि संत्री पिकाचे नुकसानअमरावती जिल्ह्यालाही अवकाळी पावसाचा मोठा फटका बसला. यामुळे ६२ गावांतील ५७८ हेक्टरवरील गहू आणि संत्री पिकाचे नुकसान झाल्याची माहिती मिळाली आहे. तसेच कांदा, लिंबू आणि भाजीपाल्याचेही मोठे नुकसान झाले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
