Mumbai News: ‘‘महाराष्ट्राने २०२९ पर्यंत १ ट्रिलियन डॉलरची अर्थव्यवस्था बनण्याचे उद्दिष्ट ठेवले आहे. आपली अर्थव्यवस्था आताच ५१ लाख कोटींपर्यंत म्हणजे हाफ ट्रिलियन डॉलरपर्यंत पोहोचली आहे. येत्या तीन वर्षांत जर एखादे दुष्काळी वर्ष आले नाही, तर २०२९-३० पर्यंत आपले लक्ष्य साध्य होईल. .थेट परकीय गुंतवणुकीचा विचार केल्यास, एकूण गुंतवणुकीपैकी ३९ टक्के गुंतवणूक महाराष्ट्रात येते आहे,’’ अशा शब्दांत मुख्यमंत्री देवेंद्र फडणवीस यांनी राज्याच्या अर्थव्यवस्थेचा आढावा घेतला. राज्यपालांच्या अभिभाषणावरील चर्चेला गुरुवारी (ता. २६) विधानसभेत उत्तर देताना ते बोलत होते..Economic Growth : रहस्य शाश्वत आर्थिक वाढीचे! .विरोधकांवर निशाणा साधताना फडणवीस म्हणाले, की विरोधी पक्ष भ्रमितही आहे आणि संभ्रमितही आहे. भ्रमात राहून धावण्यापेक्षा संभ्रमातून बाहेर पडून जर मुद्दे मांडले, तर महाराष्ट्राच्या हितात तुमचाही सहभाग वाढेल. ट्रिलियन डॉलर अर्थव्यवस्था, विकसित भारत याबाबत विरोधी पक्षांच्या मनात फार मोठी गल्लत आहे. तो विषयच त्यांनी समजून घेतला नाही. किंवा त्यांना समजला आहे, पण लोकांना संभ्रमित करायचे आहे म्हणून अशा पद्धतीने मुद्दे मांडले जात आहेत..Agriculture Economic Growth : शेतीत संघटितवृत्तीने आर्थिक प्रगती साधावी.गडचिरोलीत ५ कोटी झाडे लावणारगडचिरोलीत झालेल्या करारांच्या माध्यमातून २ लाख ६१ हजार ८३९ कोटींची गुंतवणूक येणार आहे. या माध्यमातून येथे ७० हजार ८९५ रोजगारांची निर्मिती होईल. तेथील जल-जंगल- जमीन यांचे संवर्धन करून विकास करायचा आहे. त्यासाठी वृक्षतोड करणे अपरिहार्य आहे. पण जी झाडे जातील, त्याच्या दोन हजार पट जास्त झाडे लावू. गडचिरोलीत ५ कोटी झाडे लावण्याचा उपक्रम हाती घेतला आहे, असेही फडणवीस यांनी या वेळी सांगितले..लवकरच नवीन भरतीराज्यात बेरोजगारीचा दर ११.६० टक्के झाल्याचा विरोधकांचा आरोप धादांत खोटा आहे. बेरोजगारीचा दर ३.१ टक्क्यांपर्यंत कमी झालेला आहे. महायुती सरकार आल्यापासून १ लाख २० हजार ४४९ लोकांना नियुक्त्या दिल्या आहेत. अजून काही नियुक्तीपत्रांचे वाटप शिल्लक असून, दोन महिन्यांत हा आकडा दीड लाखापर्यंत जाईल. पुन्हा नव्याने ‘एचआर रिफॉर्म्स’ करण्यात आले असून, नव्याने भरतीचे सत्र सुरू करणार असल्याचेही ते म्हणाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
