Sugarcane Price Competition: ऊसदरातील प्रतिटन ३०० रुपयांच्या फरकामुळे महाराष्ट्र आणि कर्नाटकाच्या सीमाभागातील साखर कारखान्यांमध्ये नवी दर स्पर्धा निर्माण झाली आहे. महाराष्ट्रातील कारखान्यांकडून ३९०० रुपये दर मिळत आहे. त्यामुळे सीमाभागातील ऊस उत्पादक शेतकऱ्यांचा कल महाराष्ट्रातील कारखान्यांकडे वाढत आहे. या परिस्थितीमुळे कर्नाटकातील कारखान्यांसमोर ऊस उत्पादकांना टिकवून ठेवण्यासाठी दर वाढविण्याचे आव्हान निर्माण झाले आहे. .महाराष्ट्राकडे जाणारा ऊस रोखण्यासाठी कर्नाटक सीमाभागातील कारखान्यांनी अवघ्या काही दिवसांत तीन वेळा दरवाढ केली आहे. सुरुवातीला प्रतिटन ३६०० रुपये असलेला दर आता ३८०० रुपयांपर्यंत पोहोचला आहे..दिवाळीच्या दरम्यान कर्नाटकच्या ऊस दराचा तिढा ३६०० रुपये पहिल्या उचलीवर सुटला. तर दक्षिण महाराष्ट्रात विशेष करून कोल्हापूर जिल्ह्यात ३९०० पहिली उचल, हंगाम संपण्यापूर्वी १००, हंगाम संपल्यानंतर साखर दर कायम राहिल्यास २०० असे सूत्र मान्य करत तोडी सुरू झाल्या. कर्नाटकातील काही कारखान्यांनी सुरुवातीला प्रति टन ३६०० रुपये दराने ऊसखरेदीचे करार केले होते..Sugarcane Price Protest: ऊसदरासाठी येडशी टोलनाक्याजवळ राष्ट्रीय महामार्ग रोखला.त्यानंतर महाराष्ट्रातील कारखान्यांकडून ३९०० रुपयांच्या आसपास दर मिळत असल्याने सीमाभागातील शेतकऱ्यांनी महाराष्ट्राला ऊस पाठवण्यास पसंती दिली. यामुळे कर्नाटकातील कारखान्यांसमोर गाळपासाठी ऊस उपलब्ध करण्याचे मोठे आव्हान निर्माण झाले. परिणामी कारखान्यांनी पहिल्यांदा ३६०० रुपयांवरून ३७५० रुपये आणि त्यानंतर ३८०० रुपये प्रतिटन दर जाहीर केला. काही कारखान्यांनी आंदोलनाच्या पार्श्वभूमीवर कर्नाटकात यापूर्वी प्रतिटन ३५५० रुपयांपेक्षा अधिक दर देणे शक्य नसल्याची भूमिका घेतली होती..मात्र ऊसटंचाई तीव्र होताच त्यांना दरवाढीचा निर्णय घ्यावा लागला. काही ठिकाणी पहिल्या हप्त्यापोटी ३०० रुपये वाढवून देण्याची तयारी दर्शवण्यात आली आहे. दुसऱ्या हप्त्याबाबत काही कारखान्यांनी १०० रुपयांची तर काहींनी ५० ते ५५ रुपयांची वाढ देण्याची चर्चा सुरू केली आहे. मात्र अंतिम दराबाबत अद्याप सर्वत्र एकमत झालेले नाही. पण संभाव्य ऊस टंचाईच्या पार्श्वभूमीवर कर्नाटकातील कारखान्यांना दरवाढीचा निर्णय घ्यावाच लागणार आहे..Solapur Sugarcane Price Protest: सोलापूरमधील ऊसदराचं आंदोलन स्थगित, १९ नोव्हेंबरला तोडगा न निघाल्यास महामार्ग, रेल्वे रोखण्याचा इशारा.कर्नाटक-महाराष्ट्र सीमाभागातील अनेक गावांमधील ऊस महाराष्ट्रातील कारखान्यांकडे जात आहे. विशेष म्हणजे, गावातील ऊसक्षेत्र मर्यादित असतानाही विविध कारखान्यांची तोडणी यंत्रे सीमाभागात दाखल झाली आहेत. महाराष्ट्रातील कारखान्यांची यंत्रणा या भागात ऊसतोडणी करत आहे. यामुळे कर्नाटकातील कारखान्यांच्या कार्यक्षेत्रातील ऊसही महाराष्ट्राकडे वळत असल्याचे चित्र आहे..महाराष्ट्रातील कारखान्यांकडून मिळणारा चांगला दर, ऊसतोडणीची उपलब्ध यंत्रणा आणि वेळेत होणाऱ्या बिलांच्या अपेक्षेमुळे कर्नाटकातील शेतकरी महाराष्ट्राला प्राधान्य देत आहेत. कर्नाटकातील काही कारखान्यांकडून दुसरे आणि तिसरे बिल वेळेत मिळण्याबाबत शेतकऱ्यांमध्ये साशंकता असल्याने महाराष्ट्रातील कारखान्यांवरील विश्वास अधिक असल्याचे सीमाभागातील शेतकऱ्यांनी सांगितले. .कर्नाटकपुढे दुहेरी आव्हानकर्नाटकातील कारखान्यांनी गाळप हंगामाची सुरुवात तुलनेने सावकाश केली असली, तरी आता ऊस मिळवण्यासाठी त्यांच्यात स्पर्धा सुरू झाली आहे. महाराष्ट्रातील कारखान्यांचा दर आणि ऊसतोडणी यंत्रणेची ताकद यामुळे कर्नाटकातील कारखान्यांना आपले कार्यक्षेत्र टिकवणे आव्हान बनले आहे. त्यांना अधिक दर द्यावा लागत आहे. त्यामुळे आगामी काळात ऊसदराची स्पर्धा आणखी तीव्र होण्याची शक्यता आहे. उसाची उपलब्धता होण्यासाठी येत्या काही दिवसांत महाराष्ट्राच्या बरोबरीने दर देण्याबाबत आमचा विचार सुरू असल्याचे कर्नाटकातील कारखाना प्रतिनिधींनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.