AI Technology Agriculture: काळाची गरज ओळखून आणि भविष्याचा वेध घेत विलास सहकारी साखर कारखान्यासह मांजरा परिवारातील सर्वच साखर कारखाने एआय तंत्रज्ञानाचा वापर करतील. ऊसतोडीत शंभर टक्के यांत्रिकीकरण आणण्यासोबतच सीबीजीसारख्या नावीन्यपूर्ण उपपदार्थांची निर्मिती केली जाईल. या माध्यमातून शेतकरी, शेतमजूर आणि कामगारांच्या जीवनात आर्थिक क्रांती घडविण्याचे प्रयत्न अखंडपणे सुरू राहतील. यातूनच शेतकरी हित आणि सहकाराची परंपरा जपत कारखाना प्रगतिपथावर राहील, असा विश्वास माजी मंत्री आमदार अमित देशमुख यांनी व्यक्त केला..निवळी (ता. लातूर) येथील विलास सहकारी साखर कारखान्याच्या शनिवारी (ता. १५) आयोजित २४व्या वार्षिक सर्वसाधारण सभेत ते बोलत होते. अध्यक्षा वैशाली देशमुख अध्यक्षस्थानी होत्या. खासदार डॉ. शिवाजी काळगे, जिल्हा बँकेचे अध्यक्ष माजी आमदार धीरज देशमुख, कारखान्याचे उपाध्यक्ष माजी आमदार वैजनाथ शिंदे, महापौर जयश्री सोनकांबळे, विकासरत्न विलासराव देशमुख मांजरा शेतकरी सहकारी साखर कारखान्याचे उपाध्यक्ष अशोक काळे, कृषी उत्पन्न बाजार समितीचे सभापती जगदीश बावणे, रेणा साखर कारखान्याचे अध्यक्ष अनंतराव देशमुख, उपाध्यक्ष प्रवीण पाटील, काँग्रेसचे शहराध्यक्ष प्रा. शिवाजी जवळगेकर, जिल्हा परिषदेच्या काँग्रेसच्या गटनेत्या आशाताई भिसे, श्री संत शिरोमणी मारुती महाराज सहकारी साखर कारखान्याचे उपाध्यक्ष सचिन पाटील आदींची प्रमुख उपस्थिती होती..Sugarcane Harvesting: हार्वेस्टरने उसाच्या तोडणीतून देशासमोर आदर्श: दिलीपराव देशमुख.आमदार देशमुख म्हणाले, ‘‘राज्यात बेरोजगारी वाढत असताना मांजरा परिवारातील सर्व कारखाने शेतकरी हिताला प्राधान्य देत भक्कमपणे उभे आहेत. कारखान्याला आजवर मिळालेले ३९ पुरस्कार हे सर्व सभासदांच्या सहकार्याचे फलित आहे. मांजरा परिवारातील कारखान्यांमध्ये उसाला उच्चांकी भाव देण्याची निकोप स्पर्धा अशीच कायम राहील.’’.Sugarcane Harvesting: हार्वेस्टरने उसाच्या तोडणीतून देशासमोर आदर्श: दिलीपराव देशमुख.लोकनेते विलासराव देशमुख यांच्या प्रेरणेतून तालुक्यात मांजरा कारखान्यापाठोपाठ विलास सहकारी साखर कारखान्याची उभारणी झाली. आज २४ वर्षांच्या यशस्वी प्रवासात सभासदांची खंबीर साथ लाभली आहे, असेही ते म्हणाले..सर्वाधिक ऊस देणाऱ्या शेतकऱ्यांचा सत्कारसर्वाधिक ऊसपुरवठा करणारे शेतकरी तसेच सर्वाधिक ऊस वाहतूक व तोडणी करणाऱ्या ठेकेदारांचा या वेळी सत्कार करण्यात आला. सर्वाधिक ऊसपुरवठा केल्याबद्दल अध्यक्षा वैशालीताई देशमुख, माजी उपाध्यक्ष रवींद्र काळे, काकासाहेब देशमुख, व्यंकट कदम आणि कमलबाई शिंदे यांचा सत्कार करण्यात आला. ऊस वाहतूक व तोडणी ठेकेदार रमाकांत राठोड, अनिल राठोड, .शरद गोडसे, विजय चव्हाण, महेश पटाडे, रमेश राठोड, गोविंद माळी, ओमराज राठोड, विष्णू माळी, श्रावण चव्हाण आदींचाही सत्कार करण्यात आला. सभेसाठी हॉटेल वैष्णवचा बँक्वेट हॉल उपलब्ध करून दिल्याबद्दल आमदार अमित देशमुख यांच्या हस्ते विष्णू धायगुडे, चंद्रकांत धायगुडे व धायगुडे परिवाराचा विशेष सत्कार करण्यात आला. या वेळी पदाधिकारी, कार्यकर्ते, अधिकारी, कर्मचारी, ऊस उत्पादक शेतकरी आणि सभासद मोठ्या संख्येने उपस्थित होते. राहुल इंगळे यांनी सूत्रसंचालन केले. कार्यकारी संचालक ए. आर. पवार यांनी आभार मानले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
