Mumbai News: राज्यात अतिवृष्टीने बुजलेल्या विहिरींची दुरुस्ती तत्काळ व्हावी, यासाठी रोजगार हमी विभागाने १८ कोटी ५६ लाखांचा आगाऊ निधी वितरित केला आहे. शेतकऱ्यांकडे ही कामे सुरू करण्यासाठीही पैसे नसल्याने, ही आगाऊ रक्कम देण्यात आली असल्याचे रोजगार हमी मंत्री भरत गोगावले यांनी सांगितले..पुणे, नाशिक, छत्रपती संभाजीनगर, कोकण ,अमरावती आणि नागपूर या विभागात तब्बल ११ हजार ८१३ विहिरी बुजून गेल्या आहेत. या विहीरी दुरुस्त केल्या नाहीतर शेतकऱ्यांना पुढील हंगामात सिंचनाचा प्रश्न भेडसावणार आहे. त्यामुळेच मदत व पुनर्वसन मंत्री मकरंद पाटील यांनी बुजलेल्या विहिरींच्या दुरुस्तीसाठी निधी देण्याची मागणी केली होती. त्यानुसार शासनाने प्रत्येक विहिरीसाठी ३० हजार रुपयांची तरतूद केली आहे. हा निधी रोजगार हमी विभागाकडून देण्यात येत आहे..Well Repair GR : विहिरींच्या दुरुस्तीसाठी निधी मंजूर; १५ हजार रुपये अग्रीम जमा होणार.सरकारने अतिवृष्टीमुळे बाधित झालेल्या शेतकऱ्यांना ३१ हजार ६२८ कोटी रुपयांच्या मदतीची घोषणा केली. यात बुजलेल्या विहिरींच्या दुरुस्तीसाठी प्रत्येकी ३० हजार रुपये देण्याचा निर्णय घेण्यात आला..Irrigation Wells: विहीर दुरुस्ती मंजुरीचे अधिकार बीडीओंना.राज्यात ११ हजार ८१३ विहिरींचे नुकसान झाले आहे. मात्र या विहिरींची दुरुस्ती झाल्याशिवाय शेतकऱ्यांना सिंचनाची सुविधा मिळणार नाही. त्यामुळे रोजगार हमी विभागाने सबंधित शेतकऱ्यांना आगाऊ रक्कम देण्याचा महत्त्वपूर्ण निर्णय घेतला आहे. एकूण देय रकमेच्या निम्मी रक्कम आगाऊ म्हणून दिली जाणार आहे. त्यामुळे शेतकऱ्यांना लगेचच विहीर दुरुस्तीची कामे घेता येणार आहेत..राज्यात अतिवृष्टीमुळे शेतकऱ्यांच्या विहिरींचे मोठे नुकसान झाले आहे. या विहिरींची तत्काळ दुरुस्ती करण्यासाठी शेतकऱ्यांना पैसे उपलब्ध करून देणे करणे आवश्यक होते. त्यामुळे १८ कोटींची आगाऊ रक्कम देण्याचा निर्णय घेण्यात आला आहे. या सर्व अनुदानाचे वितरण करून त्याचा अहवाल शासनास सादर करण्याचे निर्देश दिले आहेत.भरत गोगावले, मंत्री, रोजगार हमी योजना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
