Shaktipeeth Highway Protest: शक्तिपीठ महामार्गाला कोल्हापूरसह राज्यभरातील शेतकऱ्यांचा जोरदार विरोध सुरु आहे. यावरुन जोरदार आंदोलने सुरु असतानाच आता राजकीय संघर्षही पेटला आहे. राज्य नियोजन मंडळाचे कार्यकारी अध्यक्ष, आमदार राजेश क्षीरसागर आणि शेतकरी नेते राजू शेट्टी यांनी एकमेकांवर जोरदार टीका केली आहे..कोल्हापूर जिल्ह्यात शक्तिपीठ महामार्गासाठी शासनाकडून ९ सप्टेंबरपासून जमिनीची मोजणी सुरु होण्याची शक्यता आहे. या पार्श्वभूमीवर राजू शेट्टी यांनी आक्रमक भूमिका घेतली आहे. ''नागराच्या फाळाला धार लावून ठेवा. कोणत्याही अधिकाऱ्याला जमीन मोजणीसाठी शेतात पाऊल टाकू देऊ नका,'' असे आवाहन राजू शेट्टी यांनी शेतकऱ्यांना केले आहे. .Shaktipeeth Highway Protest: शेतकऱ्यांनो नांगराच्या फाळाला धार लावून ठेवा, शक्तिपीठ महामार्गाविरोधात राजू शेट्टी आक्रमक.त्यावर शिंदेंच्या शिवसेनेचे आमदार राजेश क्षीरसागर यांनी जोरदार टीका केली. ''राजू शेट्टी काय राक्षस आहेत का? हे सरकार आहे. सरकारने एकदा मनावर घेतलं तर तुम्हाला टांगून ठेवेल. एवढं सोपं आहे का अशी भाषा करणे. आम्ही गप्प बसलोय. लोकशाहीच्या मार्गाने जातोय. म्हणून राजू शेट्टी यांनी काहीही बोलावे का? आम्ही त्यांच्या या वक्तव्याचा निषेध करतो.'' असा इशारा त्यांनी दिला आहे. .Shaktipeeth Highway Protest: 'प्राण देऊ, पण जमीन देणार नाही', सांगलीत शक्तिपीठ महामार्ग विरोधात शेतकऱ्यांसह सर्वपक्षीय नेत्यांचा एल्गार.शेतकऱ्यांच्या नादाला लागू नका, राजू शेट्टींचा इशारात्यांच्या या इशाऱ्यावर राजू शेट्टी यांनीही दंड थोपटले आहेत. ''राजेश क्षीरसागर यांनी शेतकऱ्यांच्या नादाला लागायचे काहीच कारण नाही. शेतकऱ्यांचा हिसका त्यांना अजून कळालेला नाही. असेल दम तर टांगून दाखवाच उलटा मला, असे माझे म्हणणे आहे.” असे शेट्टी यांनी प्रत्युत्तर दिले आहे. .क्षीरसागरांच्या वक्तव्याचा स्वाभिमानी शेतकरी संघटनेकडून निषेधदरम्यान, राजू शेट्टी यांच्याविरोधात राजेश क्षीरसागर यांनी केलेल्या वक्तव्याचा स्वाभिमानी शेतकरी संघटनेने निषेध नोंदवला. सांगली-कर्नाळ रस्त्यावरील राजपूत गार्डन परिसरात क्षीरसागर यांचा प्रतिकात्मक पुतळा झाडाला टांगण्यात आला. यावेळी स्वाभिमानीच्या कार्यकर्त्यांनी क्षीरसागर यांच्याविरोधात जोरदार घोषणाबाजी केली..शक्तिपीठ महामार्गासाठी ९ सप्टेंबरपासून कोल्हापूर जिल्ह्यात जमीन मोजणी प्रक्रिया सुरु होण्याची शक्यता आहे. यासाठी भूमी उपअधीक्षक कार्यालयाकडून शेतकऱ्यांना नोटिसा जारी करण्यात आल्या आहेत. यावरुन शेट्टी यांनी, शक्तिपीठ महामार्गासाठी एक इंचही जमीन देणार नसल्याचा इशारा दिला आहे. या महामार्गाच्या शासकीय आदेशाची जाहीर होळी करावी. तसेच जमीन मोजणीच्या दिवशी गावबंदी आणि शिवारबंदी करा. अधिकारी आणि पोलिसांना गावातच रोखण्याचे आवाहन त्यांनी केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
