Maharashtra Municipal Election Result 2026: मुंबई, पुण्यासह राज्यातील २९ महानगरपालिकांच्या निवडणुकांच्या मतमोजणीस शुक्रवारी (दि. १६ जानेवारी) सकाळी १० वाजता सुरुवात झाली. अनेक ठिकाणी सत्ताधारी आणि विरोधक यांच्यात चुरशीच्या लढती झाल्या. यामुळे या निकालाकडे संपूर्ण राज्याचे लक्ष लागले आहे. सुरुवातीच्या कलानुसार, मुंबईत भाजपचे सर्वाधिक उमेदवार आघाडीवर आहेत. त्यापाठोपाठ ठाकरेंची शिवसेना आहे. पुण्यातील मतमोजणीत भाजप आघाडीवर असल्याचे दिसून आले आहे. सोलापूरमध्येही भाजपचे उमेदवार आघाडीवर आहेत.नागपूर हा भाजपचा बालेकिल्ला आहे. येथे भाजपची सत्ता कायम राहण्याची शक्यता व्यक्त करण्यात आली आहे. मतमोजणीच्या सुरुवातीच्या कलानुसार, नागपूरमध्ये भाजपने आघाडी घेतल्याचे दिसते. छत्रपती संभाजीनगर महानगरपालिका निवडणुकीच्या मतमोजणीत भाजप सर्वाधिक जागांवर आघाडीवर आहेत. येथे त्यापाठोपाठ शिवसेना, एमआयएमचे उमेदवारी आघाडीवर आहेत. नवी मुंबई, नाशिकमध्येही भाजपने आघाडी घेतली आहे. कोल्हापूरमध्ये महायुतीने मोठी ताकद लावली होती. येथे चुरशीची लढत पाहायला मिळाली. कोल्हापूरमध्ये भाजपचे ४ उमेदवार विजयी झाले आहेत. .या निवडणुकांसाठी गुरुवारी मतदार पार पडले होते. यात एकूण १५,९३१ उमेदवारांचे राजकीय भवितव्य मतपेटीत बंद झाले होते. या निकालाच्या आधी आलेल्या एक्झिट पोलमध्ये बहुतांश महानगरपालिकांवर भाजपचे वर्चस्व राहणार असल्याचा अंदाज वर्तवण्यात आला आहे. विशेषत: सर्वात श्रीमंत महानगरपालिका असलेल्या मुंबईत महायुतीला यश मिळण्याची शक्यता आहे. मुंबईवर तब्बल २५ वर्षे शिवसेनेची सत्ता राहिली आहे. पण आता मुंबई ठाकरेंच्या हातून जाऊ शकते, असा अंदाज विविध एक्झिट पोलमधून व्यक्त करण्यात आला. .Maharashtra Elections 2026 Exit Poll: 'भाजप'चेच वर्चस्व; मुंबई ठाकरेंच्या हातून निसटणार, एक्झिट पोलचे आकडे काय सांगतात?.'या' महापालिका निवडणुकीसाठी मतमोजणीबृहन्मुंबई महानगरपालिका, ठाणे, नवी मुंबई, उल्हासनगर, कल्याण-डोंबिवली, भिवंडी-निजामपूर, मिरा-भाईंदर, वसई-विरार, पनवेल, नाशिक, मालेगाव, अहिल्यानगर, जळगाव, धुळे, पुणे, पिंपरी-चिंचवड, सोलापूर, कोल्हापूर, इचलकरंजी, सांगली-मिरज-कुपवाड, छत्रपती संभाजीनगर, नांदेड-वाघाळा, परभणी, जालना, लातूर, अमरावती, अकोला, नागपूर, चंद्रपूर..Local Body Election: ‘झेडपी’, पंचायत समितीच्या निवडणुकीत राजकारण तापणार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
