Maharashtra Opposition Protest: शेतकऱ्यांचा सातबारा कोरा करा, अशी मागणी करत आज सोमवारी (दि.२२ जून) विरोधकांनी विधानभवनाच्या पायऱ्यावर जोरदार घोषणाबाजी केली. नको अटी नको शर्ती...; शेतकऱ्यांना कर्जमुक्ती हवी!, अशा आशयाचे बॅनर हातात घेऊन विरोधकांनी आंदोलन केले. काँग्रेसचे विधिमंडळ पक्षनेते विजय वडेट्टीवार, विधान परिषदेतील काँग्रेसचे गटनेते सतेज पाटील, शिवसेनेच्या ठाकरे गटाचे आमदार अंबादास दानवे यांच्यासह विरोधकांनी विधिमंडळाच्या पावसाळी अधिवेशनच्या पहिल्याच सरकारविरोधात घोषणा दिल्या. .महायुतीने सत्तेत येताना शेतकऱ्यांना सातबारा कोरा करण्याचे आश्वासन दिले होते. पण प्रत्यक्षात सत्तेत आल्यानंतर भरमसाठ अटी व शर्ती लादून शेतकऱ्यांना फसवी कर्जमाफी (Farm Loan Waiver Scheme) देण्यात आली. याबाबच आज विधिमंडळ अधिवेशनाच्या पहिल्या दिवशी विधिमंडळाच्या पायऱ्यांवर फसव्या कर्जमाफीच्या विरोधात विरोधी पक्षांच्या वतीने आंदोलन करण्यात आले. सत्ताधाऱ्यांनी दिलेले वचन पूर्ण करावे, शेतकऱ्यांचा सातबारा कोरा करावा, अशी आक्रमक मागणी या आंदोलनाच्या माध्यमातून करण्यात आली, असे वडेट्टीवार यांनी म्हटले..Maharashtra Monsoon Session 2026: पावसाळी अधिवेशन २२ जूनपासून, कामकाज ३ आठवडे चालणार.महाराष्ट्र विधिमंडळाच्या पावसाळी अधिवेशनाला आजपासून सुरुवात झाली. हे अधिवेशन ३ आठवडे चालणार आहे. मुंबईत २२ जून ते १० जुलै २०२६ दरम्यान हे अधिवेशन होईल. या अधिवेशनात विरोधक शेतकरी प्रश्नी आणि कर्जमाफीच्या मुद्यावरुन सरकारला घेरण्याची शक्यता आहे..Maharashtra Monsoon Session: अधिवेशनात कर्जमाफी, पीकविमा मुद्दे गाजणार.राज्यात दुष्काळ सदृश्य परिस्थिती असताना महायुती सरकारमधील तीन पक्ष मात्र भांडत आहेत. या सरकारने जाहीर केलेली फसवी शेतकरी कर्जमाफी, भ्रष्ट कारभार व जनविरोधी धोरण याचा निषेध करत विरोधकांनी सरकारच्या चहापानावर बहिष्कार टाकला. .मुख्यमंत्री देवेंद्र फडणवीस यांनी आज अधिवेशन'च्या पहिल्या दिवशी विधान भवन येथे महाराष्ट्राचे आराध्य दैवत छत्रपती शिवाजी महाराज यांना पुष्पहार अर्पण करून अभिवादन केले. यावेळी उपमुख्यमंत्री एकनाथ शिंदे, उपमुख्यमंत्री सुनेत्रा पवार उपस्थित होत्या.दरम्यान, मुख्यमंत्री फडणवीस यांनी अधिवेशनच्या पहिल्या दिवशी विधानसभा अध्यक्ष ॲड. राहुल नार्वेकर यांची भेट घेतली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
