Latur News : राज्य सरकारने दोन महिन्यांपासून शेतकऱ्यांच्या जिव्हाळ्याच्या शेतरस्ता, पाणंद रस्ता व शिवरस्त्यांच्या विषयाला मोठे प्राधान्य दिले आहे. शेतरस्त्यांच्या विषयाने काही महिन्यांत सरकारने अनेक निर्णय घेतले. यात शेतरस्त्यावरील अतिक्रमण काढून रस्त्यांची सातबारावरील इतर हक्कांत नोंद घेण्यासह शेतरस्त्यांना विशिष्ट क्रमांक देण्याच्या निर्णयाचा समावेश आहे. .रस्त्यांसाठी धोरणात्मक निर्णय घेण्यासाठी महसूलमंत्र्यांच्या अध्यक्षतेखाली समिती व समितीला शिफारशी करण्यासाठी स्वतंत्र अभ्यास गटही स्थापन केला आहे. १७ सप्टेंबर तरे दोन ऑक्टोबरदरम्यान छत्रपती शिवाजी महाराज महाराजस्व अभियानात सेवा पंधरवाड्यातून शेत आणि पाणंद रस्त्यांसाठी विशेष मोहीम हाती घेण्यात येणार आहे. या काळात शेतरस्त्याबाबत दोन महिन्यांत झालेल्या निर्णयांची मोहीम पद्धतीने अंमलबजावणी करण्यात येणार आहे..महसूल विभाग हा जनतेच्या दैनंदिन समस्या आणि जिव्हाळ्याच्या विषयांशी अत्यंत जवळून संबंध असलेला विभाग आहे. लोकांना दिलासा देण्यासाठी महसूल प्रशासन अधिक लोकाभिमुख, कार्यक्षम, गतिमान व पारदर्शक करण्यासाठी सरकार प्रयत्न करत आहे. पंतप्रधान नरेंद्र मोदी यांचा जन्मदिवस तसेच मराठवाडा मुक्तिसंग्राम दिन १७ सप्टेंबर ते राष्ट्रपिता महात्मा गांधी यांची जयंती दोन ऑक्टोबर दरम्यान दरवर्षी सेवा पंधरवाडा साजरा करण्यात येतो. .Farm Road : शेतरस्त्याला स्वतंत्र क्रमांक अन् गाव नमुन्यात रेकॉर्डही.महसूल विभागाच्या छत्रपती शिवाजी महाराज महाराजस्व अभियानात यंदा हा सेवा पंधरवाडा साजरा करण्यात येणार असून त्यात विविध उपक्रम राबवण्यात येणार आहेत. हे उपक्रम वर्षभर राबविण्यात येतात. .मात्र या काळात मोहीम स्वरूपात हे सर्व उपक्रम राबवण्यात येत असून, तीन टप्प्यांतील मोहिमेत पहिल्या टप्प्यात शेत व पाणंद रस्त्याची मोहीम राबविण्यात येणार आहे. दुसऱ्या टप्प्यात सर्वांसाठी घरे तर तिसऱ्या टप्प्यात जिल्हाधिकाऱ्यांकडून स्थानिक परिस्थितीचा विचार करून नावीन्यपूर्ण उपक्रम राबविण्यात येणार असल्याचे सरकारच्या महसूल विभागाने काढलेल्या पत्रकात म्हटले आहे..अमरावतीच्या धर्तीवर गाव नकाशावर नोंदीपाणंद, शेतरस्त्ता व शिवरस्त्यांना विशिष्ट क्रमांक देण्याबाबतच्या महसूल विभागाच्या २९ ऑगस्टच्या शासन निर्णयाची प्रभावी अंमलबजावणी करण्यात येणार आहे. अमरावती जिल्ह्यात जिल्हा अधीक्षक भूमी अभिलेख व उप अधीक्षक भूमी अभिलेख यांच्या समन्वयातून पाणंद रस्ते मॅपिंगचा अत्यंत स्तुत्य कार्यक्रम राबविण्यात आला आहे..Farm Roads: शेतरस्ते, पाणंद रस्त्यांना मिळणार क्रमांक.मोहिमेत करण्यात येणारी ठळक कामेशिव, शेत, पाणंदचे सर्वेक्षण करणेपाणंद रस्त्यांची नोंद निस्तार पत्रक व वाजिब उल अर्जामध्ये करणेशेतात जाण्याला रस्ते उपलब्ध करुन देण्यासाठी संमतिपत्र घेणेरस्ता अदालतीतून शेतरस्त्यांचे प्रलंबित प्रकरणे निकाली काढणेशेतरस्त्यांची मोजणी करणे तसेच अतिक्रमण काढून सीमांकन करणे.शासनाने आठवड्यापूर्वी घेतलेल्या शेतरस्त्यांचे सीमांकन करून त्यांना सांकेतिक क्रमांक देण्याच्या निर्णयाची अंमलबजावणी करण्यासाठी विशेष मोहीम राबविण्यात येणार आहे. छत्रपती शिवाजी महाराज महाराजस्व अभियानातील सेवा पंधरवाड्यातून ही कामे होणार आहेत. आठवडाभरापूर्वी झालेल्या शेतकरी हिताच्या निर्णयाची तातडीने अंमलबजावणी होत आहे, ही समाधानाची बाब आहे.- अभिमन्यू पवार, आमदार, औसा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
