Maharashtra Sugarcane Update: स्वाभिमानी शेतकरी संघटनेसह कर्नाटकातील संघटनांनी एकसंघ होऊन ऊसदराच्या आंदोलनाचा निर्धार केला आहे. त्यामुळे या वर्षी दोन्ही राज्यांतील कारखाने एकाच वेळी सुरू होणार आहेत. साखर टंचाईच्या पार्श्वभूमीवर या वर्षी लवकर हंगाम सुरू करण्याचा सरकारचा दबाव आहे. .पण होणाऱ्या नुकसानीपोटी शासनाने प्रति टन पाचशे रुपये अनुदान द्यावे. मगच यावर शेतकरी निर्णय घेतील. अन्यथा, कारखाने लवकर सुरू होऊ देणार नाही. शनिवारी (ता. १०) जयसिंगपूर येथील २५ व्या ऊस परिषदेत ऊस दर आणि आंदोलनाची घोषणा करू, असा इशारा, स्वाभिमानी शेतकरी संघटनेचे अध्यक्ष राजू शेट्टी यांनी बुधवारी (ता. ७) जयसिंगपूर येथे पत्रकार बैठकीत दिला..शेट्टी म्हणाले, की साखर टंचाईच्या पार्श्वभूमीवर साखर हंगाम लवकर सुरू करण्यासाठी शासन कारखानदारांवर दबाव टाकत आहे. ऊस परिपक्व होण्याआधी हंगाम सुरू झाल्यास शेतकऱ्यांसह कारखानदारांनाही नुकसान सोसावे लागणार आहे. त्यांना मागे १२५ किलो साखर उत्पादन होते. मात्र घाईगडबडीने कारखाने सुरू केल्यास त्यांना टनाला केवळ ८० ते ८५ किलो.Sugarcane Crushing Season: ऊस गाळप हंगामापुढील तिढा.साखर उत्पादन होणार आहे. यातून कारखानदारांना टनामागे पन्नास रुपयांचा फटका बसणार आहे. शासनाला खूष करण्यासाठी कारखानदारांनी स्वतःचे आणि शेतकऱ्यांचे नुकसान करू नये. या साऱ्या बाबींच्या पार्श्वभूमीवर महाराष्ट्र, कर्नाटकातील शेतकरी आणि संघटनांनी एकत्रितरीत्या आंदोलनाचा निर्णय घेतला आहे. त्यामुळे दोन्ही राज्यांतील दराचा प्रश्न मार्गी लागल्याशिवाय कारखाने सुरू होणार नाहीत. गतवर्षी तुटलेल्या उसाचा शंभर रुपये हप्ता न देणारे कारखाने सुरू करू देणार नसल्याचा इशाराही त्यांनी दिला..Sugarcane Crushing : विनापरवाना कारखान्यांनी गाळप केल्यास कारवाई .या वेळी विठ्ठल मोरे, डॉ. महावीर अक्कोळे, राम शिंदे, सचिन शिंदे, शैलेश चौगुले, शंकर नाळे, स्वस्तिक पाटील, प्रीतम पाटील, विक्रम पाटील, शांताराम कांबळे, संदीप तिवडे, विशाल चौगुले, वासुदेव भोजने उपस्थित होते..ईडी, सीबीआयच्या भीतीमुळे कारखाने सुरूसरकारला खूष करण्यासाठी तसेच ईडी, सीबीआयच्या चौकशीच्या दबावामुळे काही साखर कारखानदारांकडून शेतकऱ्यांच्या हिताचा विचार न करता कारखाने सुरू करण्याची घाई केली जात असल्याचा आरोप शेट्टी यांनी केला. शेतकऱ्यांचे हित डावलून घेतलेले निर्णय खपवून घेतले जाणार नाहीत, असा इशाराही त्यांनी दिला. सध्या साखरेच्या किमान विक्री किमतीत (एमएसपी) वाढ होणे गरजेचे आहे. त्याचवेळी यंदाच्या हंगामात आठ टक्क्यांपेक्षा अधिक साखर उतारा मिळणे कठीण असल्याचे चित्र आहे. अशा परिस्थितीत कारखाने सुरू करण्याच्या निर्णयाचा थेट परिणाम ऊस उत्पादकांच्या उत्पन्नावर होणार असल्याचे शेट्टी यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
