Maharashtra Sugar Quota: केंद्र सरकारने जुलै २०२६ महिन्यासाठी देशांतर्गत बाजारात विक्रीसाठी २२ लाख मेट्रिक टन साखरेचा मासिक कोटा जाहीर केला आहे. पावसाळ्यात साखरेची मागणी स्थिर राहण्याचा अंदाज आणि बाजारस्थिती लक्षात घेऊन जूनप्रमाणेच जुलै महिन्यासाठीही एकूण कोटा कायम ठेवण्यात आला आहे. मात्र, महाराष्ट्राच्या कोट्यात जूनच्या तुलनेत ७.७१ टक्क्यांची कपात करण्यात आली आहे..राज्यनिहाय कोट्यानुसार उत्तर प्रदेशला सर्वाधिक ८.२३ लाख टन, तर महाराष्ट्राला ७.१८ लाख टन साखर विक्रीचा कोटा मंजूर झाला आहे. जून महिन्याच्या तुलनेत महाराष्ट्राच्या कोट्यात ६० हजार ३६ टनांची (७.७१ टक्के) घट झाली आहे..Sugar Sales Quota : साखरेचा विक्री कोटा झाला कमी, साखरेच्या दरातील घसरणीने कारखानदारांची कोंडी?.दुसरीकडे, कर्नाटकच्या कोट्यात ११.५४ टक्के, तमिळनाडूच्या कोट्यात ६१.०६ टक्के, पंजाबच्या कोट्यात १९.९५ टक्के आणि हरियाणाच्या कोट्यात ८.२० टक्के वाढ करण्यात आली आहे. बाजार विश्लेषकांच्या मते, गाळप हंगाम संपल्याने सर्व साखर कारखान्यांनी गाळप बंद केले आहे. पावसाळ्यात साखरेची मागणी सामान्यतः स्थिर राहत असल्याने जुलै महिन्यात साखरेच्या दरात मोठी चढ-उतार होण्याची शक्यता कमी असून बाजार मर्यादित दरपट्ट्यात राहण्याची अपेक्षा आहे..International Sugar Industry: बदलत्या आहारशैलीमुळे मेक्सिकोत साखरेचा खप कमी.उत्तर प्रदेशातील मुजफ्फरनगर बाजारात एम-ग्रेड साखरेचे दर प्रतिक्विंटल ४,१४० ते ४,२५० रुपये राहिले असून, मागील सत्राच्या तुलनेत त्यात २० ते ३० रुपयांची वाढ झाली आहे. महाराष्ट्र आणि उत्तर कर्नाटकातील बाजारपेठांमध्ये मात्र दर स्थिर आहेत. कोल्हापूर बाजारात एस-ग्रेड साखरेचे दर ३९२० ते ३९६० रुपये प्रति क्विंटल या पातळीवर कायम राहिले..बाजारांतील साखरेचे दर स्थिरदेशांतर्गत बाजारात चांगल्या खरेदीमुळे प्रमुख स्पॉट बाजारांतील साखरेचे दर स्थिर आहेत. आगामी काळात पुरवठा तुलनेने मर्यादित राहण्याची शक्यता असल्याने बाजारातील सकारात्मक वातावरण कायम असल्याचे व्यापारी आणि बाजार अभ्यासकांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
