Pune News: महाराष्ट्र राज्य फलोत्पादन आणि औषधी वनस्पती मंडळाचा पोकळ डोलारा अखेर कोसळला आहे. मंडळ आता कायमचे बंद करून फलोत्पादन संचालनालयाकडे वर्ग करण्यात आले आहे. .राज्यात यापूर्वी फलोत्पादन विषयक सर्व कामकाज फलोत्पादन संचालनालयाकडून केले जात होते. संचालनालयाचा प्रमुख फलोत्पादन संचालक असून तो कृषी आयुक्तालय तसेच फलोत्पादन मंत्रालयाच्या अखत्यारित व्यवस्थित काम करीत होता. परंतु, बारा वर्षांपूर्वी अचानक फलोत्पादन मंडळ नावाने नवी यंत्रणा तयार करण्यात आली. घाईघाईने तयार केलेल्या या मंडळाला पुरेसा कर्मचारी वर्ग, अपेक्षित निधी तसेच अधिकारदेखील देण्यात आले नव्हते..Agriculture Department : कृषी विभागाकडून कृषी सेवा केंद्रांची झाडाझडती.त्यामुळे फलोत्पादनाच्या एकाच कामासाठी कागदोपत्री दोन यंत्रणा तयार झाल्या होत्या. मंडळाला प्रशासकीय नेतृत्व मिळण्याच्या नावाखाली ‘व्यवस्थापकीय संचालक’ पद तयार केले गेले होते. या पदावर सनदी अधिकारी (आयएएस) नेमण्याची तरतूद केली गेली खरी; परंतु, राज्यातील कोणत्याही अधिकारी मंडळाचे पद घेण्यास इच्छुक नसायचा..त्यामुळे वर्षानुवर्षे मंडळाच्या व्यवस्थापकीय संचालकपदाची अतिरिक्त सूत्रे कृषी आयुक्तांकडे सोपविली जात होती. आयुक्तदेखील मंडळाचे सारे कामकाज फलोत्पादन संचालकामार्फत करून घेत होते. त्यामुळे मंडळाचा हा डोलारा कशासाठी, असा सवाल उपस्थित केला जात होता..Agriculture Department: कृषी विभागात बदल्यांचा घोळ अद्याप सुरूच.सूत्रांच्या म्हणण्यानुसार, तत्कालीन फलोत्पादन संचालक डॉ. कैलास मोते यांनी मंडळ कायमचे बंद करण्याचा प्रस्ताव तयार केला. मंडळाकडील योजना फलोत्पादन संचालकामार्फत राबविण्याची शिफारस त्यांनी केली. कृषी आयुक्तांनीदेखील या शिफारशीला पाठिंबा दिला. संचालक व आयुक्तांनीच मंडळ बंद करण्याचा प्रस्ताव दिल्याने शासनाने आता तो विनाअट स्वीकारला..‘‘मंडळाकडील कृषी उन्नती योजना फलोत्पादन संचालक कार्यालयाने हाताळाव्यात. मंडळाकडील सर्व कर्मचारी वर्ग तसेच स्थावर व जंगम मालमत्ता संचालकाच्या ताब्यात द्यावी. मंडळातील सध्याच्या अधिकाऱ्यांना नव्याने कोणती कामे द्यायची याचा प्रस्ताव कृषी आयुक्तांनी पुन्हा शासनाला सादर करावा,’’ असे कृषी मंत्रालयाचे कार्यसन अधिकारी दीपक राऊत यांनी आयुक्तालयाला कळविले आहे..मंडळ बंद केल्यामुळे होणार असे फायदेमंडळ व फलोत्पादन संचालनालय अशा दोन यंत्रणा एकत्र येतील.क्षेत्रिय पातळीवर फलोत्पादनासाठी एकच यंत्रणा कार्यरत असल्यामुळे कामे सुटसुटीत होतील.फलोत्पादन संचालकांना पूर्ण अधिकार मिळाल्याने योजना प्रभावीपणे राबविली जाणार.एकत्रीकरणामुळे कर्मचाऱ्यांचे थकीत पगार वेळेत होतील..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
