Maharashtra Heavy Rain Update: गेल्या अनेक दिवसांपासून पावसाच्या प्रतीक्षेत असलेल्या मराठवाडा आणि विदर्भाला अखेर दमदार पावसाने दिलासा दिला आहे. शुक्रवार (ता.३१) सकाळी आठ वाजेपर्यंत राज्यभर सर्वदूर पावसाची नोंद झाली असून, तब्बल ७४२ मंडलांत अतिवृष्टी झाली. विदर्भातील नांदगाव येथे सर्वाधिक २९६ मिलिमीटर, तर घाटमाथ्यातील भिरा येथे २३४ मिलिमीटर पावसाची नोंद झाली. अनेक नद्या दुथडी भरून वाहत असून, प्रमुख धरणांमध्ये मोठ्या प्रमाणात पाण्याची आवक सुरू झाली आहे. .घाटमाथ्यावर सलग दमदार पाऊस सुरू असून भिरा, ताम्हिणी, कोयना, मुळशी, पानशेत आणि लोणावळा परिसरातील धरणक्षेत्रात पावसाचा जोर कायम आहे. त्यामुळे धरणांतील पाणीसाठ्यात लक्षणीय वाढ झाली आहे..अनेक धरणे ९० ते १०० टक्के क्षमतेच्या जवळ पोहोचली आहेत. कोयना धरणातून विसर्ग वाढविण्यात आला असून नदीकाठच्या गावांना सतर्कतेचा इशारा देण्यात आला आहे. राज्यातील बहुतांश प्रमुख धरणांमध्ये समाधानकारक पाणीसाठा झाला आहे. भंडारदरा, निळवंडे, आढळा, भोजापूर, खडकवासला, उजनी, राधानगरी यांसह अनेक धरणे पूर्ण क्षमतेच्या जवळ पोहोचली आहेत..Vidarbha Rain Update: विदर्भात पावसाचा जोर वाढला.कोयना, उजनी, गोसीखुर्द, हातनूर, चासकमान, वीर, वारणा, राजापूर बंधारा आणि अलमट्टी धरणांतून विसर्ग सुरू असल्याने नदीकाठच्या गावांना प्रशासनाने सतर्क राहण्याचे आवाहन केले आहे. सततच्या पावसामुळे खरीप पिकांना मोठा दिलासा मिळाला असून, पेरणीनंतरच्या पिकांच्या वाढीस पोषक वातावरण निर्माण झाले आहे. मात्र अतिवृष्टी झालेल्या भागांत पाणी साचल्याने सोयाबीन, कापूस, उडीद, मूग आणि भाजीपाला पिकांचे नुकसान होण्याची शक्यता कृषी विभागाने व्यक्त केली आहे..मराठवाड्यात दमदार पाऊसमराठवाड्यात छत्रपती संभाजीनगर, जालना, बीड, परभणी, हिंगोली, नांदेड आणि धाराशिव जिल्ह्यांत सर्वदूर पाऊस झाला. जळगाव जामोद आणि पिंपळगाव येथे प्रत्येकी २५५ मिलिमीटर, मुदखेड २५१, मांडवा २३९, माहूर २२३, कळेगाव व पारखेड २१२, जावळा, वडनेर व म्हाळुंगी २००, पेट १९५, देहली, वाई व सिंदखेड १९४, सिरसम व मल्हीवरा १७३, हिवखेड व वझार १६३ मिलिमीटर पाऊस झाला. परभणी जिल्ह्यात ३५ मंडलांत ६५ मिलिमीटरपेक्षा अधिक, तर १३ मंडलांत १०० मिलिमीटरपेक्षा अधिक पाऊस झाला. हिंगोली जिल्ह्यात सरासरी १०३.९ मिलिमीटर पावसाची नोंद झाली. केळणा, पूर्णा आणि इतर नद्यांना पूर आला असून, जायकवाडी धरणातील पाणीसाठ्यात लक्षणीय वाढ झाली आहे..Maharashtra Rain Alert: राज्यात पावसाचा जोर; गडचिरोलीत पूरस्थिती, ७०० नागरिक सुरक्षितस्थळी, मराठवाड्यातही पावसाची हजेरी.कोकणात धरणे भरलीकोकण विभागात सिंधुदुर्ग, रायगड, पालघर आणि ठाणे जिल्ह्यांत पावसाचा जोर कायम आहे. धामणंद, आंबोली आणि माडखोल येथे प्रत्येकी १३९ मिलिमीटर, नागाव १३७, शिरगाव १०३ आणि विले १०१ मिलिमीटर पाऊस झाला. गेल्या काही दिवसांपासून सुरू असलेल्या मुसळधार पावसामुळे भातसा, अप्पर वैतरणा, बारवी, तानसा, मोडकसागर आणि विहारसह मुंबईला पाणीपुरवठा करणाऱ्या धरणांतील साठा झपाट्याने वाढला असून काही धरणे पूर्ण क्षमतेने भरली आहेत. लहान नद्यांना पूर आला असून सखल भागात पाणी साचण्याच्या घटना घडत आहेत..विदर्भात अतिवृष्टीचा कहरविदर्भात पावसाचा सर्वाधिक प्रभाव होता. नांदगाव आणि शिवणी येथे प्रत्येकी २९६ मिलिमीटर, शिरजगाव २७३, चिखली २५८, अंजनखेड २५०, मंगरूळ २४७, लोंबेहळ २४५, मानिकवाडा व वाटफळी २२८, तिवरी २२५, मोझर २२३, महुली २२०, नेर २१९, तुपटकळी २११, बडनेरा, डाभा, लाडखेड व महागाव २०६, तसेच कोलंबी येथे २०० मिलिमीटर पाऊस झाला. अकोला, बुलडाणा, अमरावती, यवतमाळ आणि वाशीम जिल्ह्यांतील अनेक मंडलांत अतिवृष्टी झाली. अकोला जिल्ह्यात सर्व तालुक्यांत जोरदार पाऊस झाला असून, बुलडाणा जिल्ह्यात अनेक ठिकाणी पाणी साचले आहे. गोसीखुर्द, तोतलाडोह आणि उर्ध्व वर्धा धरणांमध्ये पाण्याची आवक वाढली असून, नदीकाठच्या गावांना सतर्कतेचा इशारा देण्यात आला आहे..मध्य महाराष्ट्रात अतिवृष्टीमध्य महाराष्ट्रात सातारा, नाशिक, जळगाव, धुळे, नंदुरबार, पुणे आणि अहिल्यानगर जिल्ह्यांत पावसाचा जोर कायम आहे. महाबळेश्वर येथे २०९ मिलिमीटर, तर शेळावे, पारोळा, भादरपूर, बेटावद, भारवास, तामसवाडी, वावडे, कुर्हा, अमळनेर, मारवड, मोरगिरी, अडावद, गोरगावले, नागाव आणि हेलवाक १०० मिलिमीटरहून अधिक पाऊस झाला. नाशिक जिल्ह्याच्या घाट परिसरासाठी रेड अलर्ट जारी करण्यात आला असून विविध धरणांमधून विसर्ग वाढविण्यात आला आहे. कोयना, उजनी, चासकमान, पानशेत, पवना, वीर, खडकवासला, भाटघर आणि मुळशी धरणांतील पाणीसाठा समाधानकारक पातळीवर पोहोचल्याने खरीप हंगामासाठी दिलासादायक स्थिती निर्माण झाली आहे..विदर्भ, मराठवाडा, घाटमाथ्यावर मुसळधारराज्यात ७४२ मंडलांत अतिवृष्टीची नोंदमराठवाडा, विदर्भाला पावसाचा मोठा दिलासाविदर्भातील नांदगाव येथे सर्वाधिक २९६ मिमी पाऊसघाटमाथ्यावरील भिरा येथे २३४ मिमी पाऊस प्रमुख धरणांमध्ये पाण्याच्या आवकेत वेगवान वाढ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
