Maharashtra Weather Update: मॉन्सूनच्या सक्रियतेमुळे राज्यात घाटमाथा, मध्य महाराष्ट्राचा पश्चिम भाग, पूर्व विदर्भात मुसळधार पावसाचा जोर कायम आहे. सोमवारी (ता.६) सकाळी ८ वाजेपर्यंतच्या २४ तासांत तब्बल ३०५ मंडलांत अतिवृष्टीची नोंद झाली. सह्याद्रीच्या घाटमाथ्यावर पावसाने सर्वाधिक कहर केला असून, लोणावळा येथे राज्यातील सर्वाधिक ६७० मिलिमीटर पावसाची नोंद झाली. मुंबईसह कोकणात वादळी वाऱ्यासह पावसाने दणका दिला. संततधार पावसाने नद्या-नाले दुथडी भरून वाहत असल्याने धरणांच्या पाणलोट क्षेत्रात मोठ्या प्रमाणात आवक सुरू आहे. .राज्यातील प्रमुख धरणांच्या पाणलोट क्षेत्रात मुसळधार पाऊस सुरू असल्याने पाणीसाठ्यात झपाट्याने वाढ होत आहे. कोयना धरणात अवघ्या २४ तासांत ७.८३ टीएमसी पाण्याची भर पडली असून, वारणा, कासारसाई, वडिवळे आणि खडकवासला धरणांतही मोठ्या प्रमाणात पाण्याची आवक सुरू आहे. परिणामी, काही धरणांतून नियंत्रित विसर्ग करण्यात येत असून नदीकाठच्या गावांना सतर्कतेचा इशारा देण्यात आला आहे. पावसामुळे भात लागवडीला दिलासा मिळाला असला, तरी कोकणातील अनेक भागांत शेतजमिनी आणि पिके पाण्याखाली गेल्याने नुकसानाची भीती निर्माण झाली आहे. तर, मराठवाडा आणि विदर्भातील अनेक भागांत पावसाअभावी पेरण्या रखडल्या आहेत..कोकणात पावसाचा तडाखाकोकणात पावसाचा जोर कायम असून महाबळेश्वर मंडलात ५६५ मिमी, तर महाडमध्ये ३९० मिमी पावसाची नोंद झाली. कर्जत, खोपोली, चौक, पेडली आदी अनेक मंडलांत ३०० मिमीहून अधिक पाऊस झाला. रायगड आणि महाबळेश्वर घाटमाथ्यावर अतिवृष्टीमुळे नद्यांना पूर आला असून, अनेक गावांमध्ये पाणी शिरले आहे. काही ठिकाणी दरडी कोसळल्या असून, भातशेतीचे नुकसान झाले आहे. जगबुडी, अर्जुना आणि कोदवली नद्यांना पूर आल्याने रत्नागिरी-रायगड परिसरातील वाहतुकीवर परिणाम झाला आहे. मध्य महाराष्ट्रातील घाटमाथ्यावरही पावसाचा जोर कायम आहे. वेल्हे येथे २९४ मिमी, तर माण, तळेगाव, परिंडवाडी, टाकवे बुद्रुक, वडेश्वर, पाईट, चाकण आणि करंजविहिरे येथे प्रत्येकी २५० मिमी पावसाची नोंद झाली. लोणावळा धरण शंभर टक्के भरले असून इंद्रायणी नदीत विसर्ग सुरू आहे. कासारसाई धरणाची पातळी ७५ टक्क्यांवरून अवघ्या काही तासांत ९३ टक्क्यांपर्यंत पोहोचली आहे. खडकवासला पाणलोट क्षेत्रातही मुसळधार पाऊस सुरू असल्याने पुढील २४ तासांत पाणीसाठ्यात आणखी वाढ होण्याची शक्यता आहे..Weekly Weather: मॉन्सूनचे पुनरागमन; चांगल्या पावसाची शक्यता .मराठवाड्यात प्रतीक्षामराठवाड्यात पावसाचे प्रमाण अत्यल्प राहिल्याने खरीप हंगामावर परिणाम दिसून येत आहे. परभणी जिल्ह्यात सरासरी १ मिमी, तर हिंगोलीत ०.९ मिमी पावसाची नोंद झाली. त्यामुळे अनेक भागांत पेरण्या रखडल्या असून, पेरणी झालेल्या क्षेत्रात उगवणीची चिंता निर्माण झाली आहे. पुढील आठवड्यात समाधानकारक पाऊस न झाल्यास दुबार पेरणीचे संकट ओढवू शकते..विदर्भात असमान वितरणविदर्भात पावसाचे वितरण असमान राहिले. सालेकसा, आमगाव, तिगाव आणि कत्तिपार येथे १०० ते १२५ मिमी पाऊस झाला, तर अनेक भागांत अत्यल्प पाऊस पडला. त्यामुळे खरीप पेरण्यांचा वेग मंदावला असून, दीर्घकाळ पाऊस न टिकल्यास सोयाबीन, कापूस आणि तूर पिकांवर परिणाम होण्याची भीती व्यक्त केली जात आहे..सोमवारी (ता.६) १०० मिलिमीटरहून अधिक पडलेला मंडलनिहाय पाऊस :कोकण विभाग : कर्जत ३०८, पालगड ३०८, खेड ३०५, खालापूर ३०३, देव्हारे ३०३, करंजवाडी २९९, पाली २९६, डाभिल २९५, बिरवाडी २९४, म्हाप्रळ २९०, नाते २८३, आंबेवाडी २८३, मांदड २८३, कर्नाळा २७३, भरणे २७१, विले २६४, धमणंद २६३, खेरडी २६२, पोजांजे २५९, वसांबे २५९, इंदापूर २५९, पोयनाड २५७, शिरगाव २५७, मंडणगड २५४, खामगाव २५०, कासू २४८, पोलादपूर २४४, वाकण २४४, गोंडाळे २३९, विरार २३८, वाशी २३७, कोंडवी २३६, पाथराज २३३, कोप्रोली २३२, मांडवी २३२, निर्मळ २२३, माणिकपूर २३२, जसई २२८, नागोठणे २२८, गोरेगाव २२५, लोणेरे २२५, कोलाड २२४, सोंसडे २२३, दिघाशी २१३, रामराज २१२, नेरे २१२, उरण २१२, चणेरे २१०, घोसळे २१०, किहीम २०८, नेरळ २०८, काळंब २०८, चिंचवली २०८, अलिबाग २०७, नागाव २०७, .Rain Update : पुढील पाच दिवस कोणत्या भागात पावसाचा जोर कायम राहणार?.मोरबे २०७, चारी २०६, चौल २०१, कडव २०१, तळा २०१, चिपळूण २०१, कुंभारली २००, सरळ २००, पाटपन्हाळे २००, वाडा २००, कोणे २००, श्रीवर्धन १९९, वाळवटी १९९, ठाणे १९८, भाईंदर १९८, आंगाव १९८, मुंब्रा १९७, वसई १९७, वेलवी १९६, बोईसर १९६, दापोली १९५, बुरोंडी १९५, पनवेल १९४, आतोणे १८८, मुरुड १८७, पाडघा १८५, बाळकुम १८४, खारबाव १८४, काळकवणे १८४, राहूर १८०, खर्डी १८०, कसारा १८०, म्हसळा १७९, कोंडगाव १७८, वासिंद १७७, कुडूस १७७, शहापूर १७५, आटगाव १७५, बोर्लीपंचतन १७५, नाडगाव १७३, आंगवली १७०, कुलगाव १६८, सफाळे १६८, अंबरनाथ १६७, देहारी १६४, अप्पर १६४, उल्हासनगर १६२, भिवंडी १६०, गोरेगाव १५९, निजामपूर १५७, मनोर १५५, डोलखांब १५२, म्हारळ बु. १५०, ढसई १४७, म्हसा १४४, कांचड १४४, भांबेड १४२, सरळगाव १३८, तारापूर १३७, मुरबाड १३६, बदलापूर १३५, टिटवाळा १३४, शिर्शी १३३, मुर्दव १२६, चिंचणी १२३, शिवळे १२१, आबलोली १२१, खेडशी १२१, डहाणू १२०, माल्याण १२०, न्याहाडी ११८, फणसवणे ११६, ओणी ११३, ओरस बुद्रुक १०९, किन्हवली १०८, विलवडे १०७, कडवई १०५, माखजन १०५, कासाल १०४, कंकावली १०२..मध्य महाराष्ट्र : वेल्हे २९४, माण २५०, तळेगाव २५०, परिंडवाडी २५०, टाकवे बुद्रुक २५०, वडेश्वर २५०, पाईट २५०, चाकण २५०, करंजविहिरे २५०, तापोळा २३८, काळे २२४, खडकाळा २२४, कुसगाव २२४, पोमगाव २०४, जावळी १९५, बामणोली १९५, लमाज १९५, केळघर १८१, तारेले १८१, आंबा १७८, कार्ला १७७, टाकवे खुर्द १७७, कुडे १७४, आंबेगाव १६४, पसरणी १६२, पाचगणी १४५, वाडा १४२, आळंदी १३३, वेटाळे १३३, भोर ११७, निगुडघर ११७, वडगाव मावळ ११७, गगनबावडा ११८, धाम १०४, वाई १०४, पौड १०३, घोटावडे १०३, पिरंगुट १०३, कासार अंबोली १०३, सावरगाव १०३, किकवी १०३, हळदी १०२, चरान १०१, बाजार १०७, करंजफेन १०७.विदर्भ विभाग : सालेकसा १२५, आमगाव खुर्द १२५, आमगाव १२०, तिगाव १२०, कत्तिपार १२०, खामारी १०४.सर्वाधिक पावसाची ठिकाणे (मिमी)मंडल पाऊसलोणावळा ६७०महाबळेश्वर ५६५महाड ३९०वावोशी ३४६आंबवली ३३७दापोली ३३३कमारली ३२९कूलवंडी ३२७खोपोली ३२३चौक ३१९शिरगाव ३१७पेडली ३१६कर्जत ३०८पालगड ३०८खेड ३०५खालापूर ३०३देव्हारे ३०३.अतिवृष्टीमुळे दाणादाण...पुणे-मुंबई मिसिंग लिंकवर दरड कोसळली, वाहतूक विस्कळीतमुंबई-गोवा महामार्गावर खवटी येथे दरड कोसळलीखोपोलीत सुभाषनगर भागात दरड कोसळलीलांजा वाकेड येथील पेट्रोल पंपावर दरड कोसळून एका व्यक्तीचा मृत्यूपालघरला तानसासह नदी-नाल्यांनी ओलांडली धोक्याची पातळीरत्नागिरी जिल्ह्याला पावसाचा तडाखा, नदीकिनारी भातशेती पाण्यातसिंधुदुर्ग जिल्ह्यात वादळी पावसाने दाणादाणरायगड - रोहा, पेण, नागाठाणे, महाडला पाण्याचा वेढा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
