यवतमाळ, वाशिम आणि सोलापूर जिल्ह्यातील अतिवृष्टीग्रस्तांसाठी ८५ कोटी निधी मंजूरयाबाबतचा शासन निर्णय महसूल विभागाकडून जारी लाभार्थ्यांना थेट बँक खात्यात नुकसान भरपाई वितरीत होणार.Crop Damage Compensation: यवतमाळ, वाशिम आणि सोलापूर जिल्ह्यात सप्टेंबरमध्ये अतिवृष्टी आणि पुराने झालेल्या शेतपिकांच्या नुकसानीपोटी ८५ कोटी २४ लाख १३ हजार रुपये इतका निधी वितरीत करण्यास शासनाने मंजुरी दिली आहे. याबाबतचा शासन निर्णय महसूल विभागाने जारी केला आहे. .हा निधी थेट लाभार्थी हस्तांतरण (DBT) पोर्टलद्वारे लाभार्थ्यांना थेट बँक खात्यात वितरीत करण्यात यावा, असे शासन निर्णयात म्हटले आहे..Crop Damage: हातातोंडाशी आलेली पिके वाया जाण्याच्या मार्गावर.अतिवृष्टी, पूर आणि चक्रीवादळ यासारख्या नैसर्गिक आपत्तीमुळे शेतीपिकांचे नुकसान झाल्यास पुढील हंगामात उपयोगी पडावे याकरिता शेतकऱ्यांना निविष्ठा अनुदान (Input subsidy) स्वरूपात एका हंगामात एक वेळेस याप्रमाणे राज्य आपत्ती प्रतिसाद निधीमधून विहित दराने मदत देण्यात येते. तसेच, राज्य आपत्ती प्रतिसाद निधीच्या इतर मान्य बाबींसाठीदेखील विहित दराने मदत देण्यात येते. .Crop Damage Compensation : अतिवृष्टीच्या नुकसानीपोटी शेतकऱ्यांना मिळाले १५० कोटी.राज्य आपत्ती प्रतिसाद निधीचे निकष आणि दर विहित करण्यात आले आहेत. केंद्र शासनाने विहित केलेल्या १२ नैसर्गिक आपत्तींव्यतिरिक्त राज्य शासनाने ३० जानेवारी २०१४ अन्वये अवकाळी पाऊस, अतिवृष्टी, वीज कोसळणे, समुद्राला उधाण आणि आकस्मिक आग या स्थानिक आपत्तींमध्ये बाधित होणाऱ्या नागरिकांना मदत देण्याचे धोरण निश्चित केले आहे. तसेच, २२ जून २०२३ च्या शासन निर्णयानुसार सततचा पाऊस ही नैसर्गिक आपत्ती घोषित करण्यात आली आहे. त्यानुसार तीन जिल्ह्यांसाठी निधी वितरीत करण्यास मंजुरी देण्यात आली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
