Opposition Protest on Farmers Issue: शेतकरी प्रश्नी विरोधक एकवटले आहेत. 'निकषांचा खेळ सोडा, शेतकऱ्यांचा सात-बारा कोरा करा', अशा आशयाचे फलक झळकावत विरोधकांनी विधिमंडळाच्या पायऱ्यावर सोमवारी (दि. ९ मार्च) आंदोलन केले. यावेळी त्यांनी जोरदार घोषणा दिल्या. यावेळी काँग्रेसचे विधान परिषदेतील गटनेते सतेज पाटील, आमदार विजय वडेट्टीवार, राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे आणि विरोधी पक्षातील इतर आमदार उपस्थित होते. .आम्ही निवडणुका जिंकल्यानंतर कर्जमाफी केली, फडणवीसांचा विरोधकांना टोला विरोधकांच्या आंदोलनावर मुख्यमंत्री देवेंद्र फडणवीस यांनी प्रतिक्रिया दिली आहे. महापालिका, जिल्हा परिषद निवडणुकांमध्ये विरोधकांना जनतेने नाकारले. विरोधकांच्या सोबत जनता नाही. आम्ही निवडणुका जिंकल्यानंतर कर्जमाफी केली. त्यांनी कितीही आंदोलन केले तरी जनता त्यांच्यासोबत नाही, असे प्रत्युत्तर मुख्यमंत्री फडणवीस यांनी विरोधकांना दिल. .मुख्यमंत्री देवेंद्र फडणवीस यांनी राज्याच्या अर्थसंकल्पातून ‘पुण्यश्लोक अहिल्यादेवी होळकर शेतकरी कर्जमाफी योजना’ जाहीर केली. या अंतर्गत ३० सप्टेंबर २०२५ रोजी पीककर्ज थकित असलेल्या पात्र शेतकऱ्यांना २ लाख रुपयांपर्यंत कर्जमाफी मिळणार आहे. तसेच जे शेतकरी नियमित कर्जफेड करतात; त्यांना ५० हजार रुपयांचे प्रोत्साहन अनुदान देण्याचा निर्णय घेतला आहे. .Farm Loan Waiver: कर्जमाफीची पुढची कार्यवाही सुरु, कोणत्या बँकेचं कर्ज माफ होणार?, मुख्यमंत्री फडणवीसांची महत्त्वाची माहिती.पण महायुती सरकारने जाहीर केलेली कर्जमाफी फसवी असल्याचा दावा शेतकरी संघटनांनी केला आहे. तसेच विरोधकांनी या घोषणेवर प्रश्नचिन्ह निर्माण केले. महायुतीने निव्वळ आकड्यांचा खेळ केला आहे. यात फक्त कंत्राटदारांचा विचार झाला आहे. बाकी, राज्यातील शेतकरी, तरुणाई, छोटे व्यापारी आणि मध्यमवर्गाने फक्त २०४७ पर्यंत वाट पाहायची, अशी टीका सतेज पाटील यांनी केली होती. शेतकऱ्यांच्या सरसकट कर्जमाफीची कोणतीही घोषणा या अर्थसंकल्पात नाही. मागील वर्षीच्या घोषणांची अंमलबजावणी अद्याप कागदावरच आहे, त्यामुळे शेतकऱ्यांमध्ये प्रचंड नाराजी आहे, असे वडेट्टीवार यांनी म्हटले होते. .Farm Loan Waiver: दोन लाखांवरील थकबाकीदारांचे काय? .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
