Political Impact on Agriculture Loan Waiver Decision: राज्य सरकारने जाहीर केलेल्या कृषी कर्जमाफीला विधान परिषदेच्या आचारसंहितेमुळे ब्रेक लागला आहे. मंगळवारच्या (ता.१९) बैठकीत या संदर्भात घोषणा करण्यात येणार होती. कर्जमाफीबाबत सर्व प्रक्रिया पूर्ण झाली असली तरी विधान परिषदेच्या आचारसंहितेमुळे घोषणा करता आली नाही..दरम्यान, मध्यम मुदत कर्जाबाबत अद्याप निर्णय झाला नसून, २२ जूननंतर अटी आणि शर्ती जाहीर करण्यात येणार आहे. तसेच ज्या शेतकऱ्यांनी मागील तीन आर्थिक वर्षात एकदा कर्ज घेऊन परतफेड केली आहे, त्या शेतकऱ्याला ५० हजार रुपये प्रोत्साहन अनुदानाचा लाभ देण्यात येणार आहे..Farm Loan Waiver: शेतकऱ्यांना संपूर्ण कर्जमाफीची आस, तोपर्यंत कर्ज वसुली स्थगितीची मागणी, मुख्यमंत्री विजय काय निर्णय घेणार? .राज्यातील शेतकऱ्यांची कर्जमाफी करावी यासाठी बच्चू कडू यांच्या नेतृत्वाखाली नागपुरात शेतकऱ्यांचे मोठे आंदोलन झाले होते. त्या वेळी मुख्यमंत्री देवेंद्र फडणवीस यांनी ३० जूनपूर्वी कर्जमाफी देऊ, असे आश्वासन दिले होते. अर्थसंकल्पी अधिवेशनात २ लाख रुपये थकित पीक कर्ज आणि नियमित कर्ज परतफेड करणाऱ्या शेतकऱ्यांना ५० हजार रुपयांचे प्रोत्साहन अनुदान देण्याची घोषणा केली होती. .कर्जमाफी अंमलबजावणीसाठी मुख्यमंत्र्यांचे आर्थिक सल्लागार प्रवीण परदेशी यांच्या अध्यक्षतेखाली समिती नेमली आहे. या समितीने कर्जमाफी अंमलबजावणीचा संपूर्ण आराखडा तयार केला असून तो मुख्यमंत्री फडणवीस यांना सादर केला आहे. मात्र त्याबाबत प्रचंड गोपनीयता बाळगण्यात आली आहे..Loan Waiver Meeting: कर्जमाफीबाबत मुख्यमंत्र्यांची कृषी, सहकार मंत्र्यांसोबत बैठक.मागील आठवड्यात सहकार, कृषिमंत्री, तसेच संबंधित विभागाच्या सचिवांसोबत मुख्यमंत्र्यांची बैठक झाली होती. या बैठकीत मंगळवारच्या मंत्रिमंडळ बैठकीत कर्जमाफीबाबतचा समितीचा अहवाल स्वीकारून अटी, शर्तींची घोषणा करण्यात येणार होती. मात्र सोमवारी (ता.१८) विधान परिषद निवडणुका जाहीर झाल्या असून, आचारसंहिता लागू झाली आहे. त्यामुळे ही घोषणा होऊ शकली नाही..तरीही मिळणार प्रोत्साहन लाभसलग तीन वर्षे पीककर्ज भरलेल्या शेतकऱ्यांना यापूर्वी झालेल्या दोन कर्जमाफीमध्ये प्रोत्साहन अनुदान देण्यात आले होते. मात्र आगामी कर्जमाफीमध्ये मागील तीन वर्षांत एकदा कर्ज घेऊन त्याची परतफेड केली असेल, तरीही त्या शेतकऱ्याला प्रोत्साहन अनुदानाचा लाभ दिला जाणार आहे, अशी माहिती एका वरिष्ठ मंत्र्याने ‘ॲग्रोवन’शी बोलताना दिली. तसेच मध्यम मुदत कर्ज आणि ज्या शेतकऱ्यांनी कर्जाचे पुनर्गठण केले आहे, अशा शेतकऱ्यांना कशा पद्धतीने लाभ द्यायचा याबाबत अद्याप निर्णय झाला नसल्याचेही सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
