Maharashtra Farmers Loan Waiver Scheme Update: राज्यातील शेतकऱ्यांना ३० जून पूर्वी कर्जमाफी देऊ, असे यापूर्वी सरकारकडून सांगण्यात आले होते. पण कर्जमाफी योजनेच्या निकषांतील बदलामुळे ही प्रक्रिया लांबली आहे. यामुळे आता शेतकऱ्यांना ३० जुलै पूर्वी कर्जमाफीचा लाभ मिळेल, असे कृषिमंत्री दत्तात्रय भरणे यांनी स्पष्ट केले आहे..''ही कर्जमाफी गरीब शेतकऱ्यांना दिलेली आहे. जे शेतकरी आयकर भरतात, अशा मोठ्या शेतकऱ्यांसाठी ही कर्जमाफी नाही. आयकर बाबतीत स्वतः मुख्यमंत्री देवेंद्र फडणवीस यांचे देशाच्या अर्थमंत्री निर्मला सीतारामन यांच्याशी बोलणे झाले आहे. त्यांनी आपल्याला परवानगी दिली आहे. ही यादी लवकरच आपल्याकडे येईल आणि त्यानंतर ३० जुलै पूर्वी किंवा त्याच्या अगोदर शेतकऱ्यांना कर्जमाफीची रक्कम दिली जाईल,'' असे मंत्री भरणे यांनी म्हटले आहे..Farm Loan Waiver: कर्जमुक्ती : अटीशर्ती अन् संघर्ष.पुण्यश्लोक अहिल्यादेवी होळकर शेतकरी कर्जमुक्ती योजनेतील दोन प्रमुख अटी रद्द केल्याने या योजनेची व्यापकता वाढली आहे. या योजनेच्या निकषांत सुधारणा करण्यास राज्य मंत्रिमंडळाने मंजुरी दिली आहे. यामुळे २०१९ च्या कर्जमाफी योजनेतील सुमारे १३ लाख शेतकऱ्यांसाठीची ५० हजार रुपयांपर्यंतची मर्यादा रद्द करून त्यांना नियमित २ लाखांपर्यंत कर्जमाफी मिळणार आहे. तर २०२६-२७ मधील नियमित परतफेडीची अट रद्द करण्यात आली आहे. या निर्णयामुळे आणखी २३ लाख शेतकऱ्यांना प्रोत्साहनपर लाभ मिळण्याचा मार्ग मोकळा झाला आहे. .Farm Loan Waiver: कर्जमाफीच्या निकषात बदल, आणखी २३ लाख शेतकऱ्यांना लाभ, मंत्रिमंडळ बैठकीत महत्त्वाचा निर्णय .याबाबत मुख्यमंत्री देवेंद्र फडणवीस यांनी पावसाळी अधिवेशनात घोषणा केली होती. त्यानुसार हा निर्णय घेण्यात आला. राज्यातील ५६ लाख शेतकऱ्यांना ३६ हजार ५८५ कोटी रुपयांचा लाभ देणारी ही शेतकरी कर्जमुक्ती योजना ऐतिहासिक असल्याचे राज्य सरकारचे म्हणणे आहे..सर्वांना २ लाखांपर्यंत कर्जमाफीकर्जाची एकूण रक्कम २ लाखांपेक्षा जास्त असली, तरी त्यातील २ लाख रक्कम सरकार माफ करणार. कर्जमुक्ती योजनेतील ५० हजार रुपयांच्या लाभाची मर्यादा आता पूर्णपणे काढून टाकली.याआधीच्या कर्जमाफी योजनेतील लाभार्थ्यांनाही आता २ लाख रुपयांपर्यंतच्या कर्जमुक्तीचा संपूर्ण लाभ मिळणार.२०२६-२७ मधील नियमित कर्ज परतफेडीची अट आता लागू राहणार नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
