Babasaheb Patil On Drought Declaration: ''एवढा दुष्काळ माझ्या आयुष्यात कधी बघितला नाही. पीक कुठलेच आले नाही. सोयाबीन, कापूस हातातून गेले आहे. उसाचे नुकसान झाले आहे. पण एक प्रक्रिया, एक नियमावली आहे. दुष्काळ जाहीर होणारच आहे. एनडीआरएफच्या निकषांप्रमाणे सरकार मदत करणार आहे,'' अशी माहिती सहकारमंत्री बाबासाहेब पाटील यांनी दिली..राज्यातील २० जिल्ह्यांत पावसाचे प्रमाण कमी राहिले. यामुळे सोयाबीन, कापूस यासह प्रमुख खरीप पिके करपून गेली आहेत. यामुळे दुष्काळ जाहीर करुन शेतकऱ्यांना तातडीने मदत देण्याची मागणी होत आहे. या पार्श्वभूमीवर सरकारने पावले उचलत दुष्काळ जाहीर करण्याची प्रक्रिया सुरु केली आहे. याबाबत बोलताना सहकारमंत्री पाटील यांनी, दुष्काळ १०० टक्के जाहीर होणार असल्याचे स्पष्ट केले आहे. .Maharashtra Drought Situation: दुष्काळदाहातील बेपर्वाई.अधिक मिळालेल्या माहितीनुसार, राज्यात दुष्काळ जाहीर करण्याची प्रक्रिया सुरु आहे. त्यासाठी पिकाची सध्याची स्थिती, जमिनीतील ओलावा, धरणातील पाणीसाठ्याची आकडेवारी तपासली जाणार आहे. याआधी महसूलमंत्री चंद्रशेखर बावनकुळे यांनीही, राज्यातील दुष्काळ परिस्थिती गंभीर असल्याचे म्हटले होते. केंद्राला प्रस्ताव पाठवावा लागेल. राज्य सरकारही मदत करेल, असे त्यांनी नमूद केले होते..Maharashtra Drought: राज्यात दुष्काळ परिस्थिती गंभीर, केंद्राला मदतीचा प्रस्ताव पाठवावा लागेल- चंद्रशेखर बावनकुळे.शेतकऱ्यांना जास्तीत जास्त मदत देण्यासाठी कार्यवाही- कृषिमंत्री भरणेतर कृषिमंत्री दत्तात्रय भरणे यांनी, शेतकऱ्यांना जास्तीत जास्त मदत मिळवून देण्यासाठी शासन स्तरावर आवश्यक ती सर्व कार्यवाही केली जाणार असल्याचे म्हटले आहे. त्यांनी रविवारी (दि. २१ सप्टेंबर) नांदेड आणि वाशिमसह बुलढाणा जिल्ह्यातील खामगाव तालुक्यातील पिंप्राळा येथे पीक परिस्थितीची प्रत्यक्ष पाहणी केली. तेथील परिस्थितीही चिंताजनक आहे. पावसातील खंड, अनियमित पर्जन्यमान आणि त्याचा पिकांच्या वाढीवर झालेला परिणाम यामुळे शेतकरी अडचणीत आले असल्याचे कृषिमंत्र्यांनी म्हटले आहे..नुकसानग्रस्त एकही शेतकरी मदतीपासून वंचित राहू नये, यासाठी प्रशासनाने तातडीने अचूक माहिती संकलित करून प्रत्येक पात्र शेतकऱ्याचा पंचनामा वस्तुनिष्ठ आणि अचूकपणे करावा, असे निर्देश त्यांनी दिले आहेत. यासोबतच पीक विमा कंपन्यांनी नुकसानीच्या दाव्यांबाबत टाळाटाळ करु नये. त्यांनी नियमानुसार पात्र शेतकऱ्यांना योग्य भरपाई मिळवून देण्यासाठी आवश्यक कार्यवाही करावी, अशाही सूचना दिल्या असल्याचे त्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
