Crop Loan Repayment Relief For Farmers: Sराज्यातील दुष्काळी परिस्थितीच्या पार्श्वभूमीवर राज्य सरकारने महत्त्वाचा निर्णय घेतला आहे. राज्यातील दुष्काळी परिस्थिती घोषित केलेल्या २६५ तालुक्यांमध्ये पीक कर्जाचे पुनर्गठन करणे व शेतीशी निगडीत कर्जाच्या वसुलीस स्थगिती देण्यात आली आहे. खरीप पीक कर्जाच्या पुनर्गठनाची कार्यवाही सर्व बँकांनी ३० एप्रिल २०२७ पर्यंत पूर्ण करावी. असे निर्देश राज्य सरकारने बँकांना दिले आहेत. याबाबत सहकार विभागाने शासन परिपत्रक जारी केले आहे. .मदत व पुनर्वसन विभागाने सन २०२६ च्या खरीप हंगामातील ट्रिगर १ (Trigger-1) (प्रथम कळ) लागू झालेल्या २६५ तालुक्यांमध्ये दुष्काळ जाहीर करुन विविध उपाययोजना व सवलती लागू केल्या आहेत. याबाबतचा शासन निर्णय याआधीच जारी केला आहे. सदर शासन निर्णयामध्ये जाहीर केलेल्या उपाययोजनांमध्ये पीक कर्जाचे पुनर्गठन व शेतीशी निगडीत कर्जाच्या वसुलीस स्थगिती या सहकार विभागाशी संबंधित सवलती, उपाययोजनांचा समावेश आहे..Maharashtra Drought: आणखी कोणत्या तालुक्यांचा दुष्काळी यादीत समावेश होणार? महसूलमंत्री बावनकुळेंची महत्त्वाची माहिती.दुष्काळी परिस्थिती असलेल्या २६५ तालुक्यांमधील शेतकऱ्यांनी खरीप २०२६ मध्ये घेतलेल्या अल्पमुदत पीक कर्जाचे मध्यम मुदत कर्जात पुनर्गठन करण्यास मान्यता देण्यात आली आहे. तसेच अशा सर्व तालुक्यातील शेतीशी निगडीत कर्जाच्या वसुलीस स्थगिती देण्यात येत असल्याचे सहकार विभागाने म्हटले आहे..Maharashtra Drought: दुष्काळाच्या झळांची प्रत्यक्ष पाहणी; तहसीलदारांना पंचनामे करण्याचे आदेश.खरीप पीक कर्जाच्या परतफेडीचा कालावधी ३१ मार्च असल्याने दुष्काळी तालुक्यांमधील जे शेतकरी विहित मुदतीत पीक कर्जाची परतफेड करु शकणार नाहीत, अशा शेतकऱ्यांची संमती घ्यावी आणि सन २०२६-२७ च्या खरीप हंगामातील पीक कर्जाचे मध्यम मुदत कर्जात पुनर्गठन करण्यात यावे. खरीप पीक कर्जाच्या पुनर्गठनाची कार्यवाही सर्व बँकांनी ३० एप्रिल, २०२७ पर्यंत पूर्ण करुन अशा शेतकऱ्यांना पुढील खरीप हंगामासाठी पीक कर्ज उपलब्ध करुन देण्यात यावे, असे निर्देश देण्यात आले आहेत. .या शासन परिपत्रकाची अंमलबजावणी काटेकोरपणे करण्यात येईल, याची सहकार आयुक्त व निबंधक, सहकारी संस्था, पुणे तसेच समन्वयक, राज्यस्तरीय बँकर्स समिती, व्दारा बँक ऑफ महाराष्ट्र, पुणे यांनी दक्षता घ्यावी, असे नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
