Dam Reservoir Water Level: वाढत्या उन्हामुळे जिल्ह्यातील धरणांमधील पाण्याची मागणी दिवसेंदिवस वाढत आहे. उन्हाळी आवर्तनामुळे आतापर्यंत मोठ्या प्रमाणात पाण्याचा वापर झाला असून सध्या धरणांमध्ये ४७.१३ टीएमसी म्हणजेच २३ टीएमसी पाणीसाठा शिल्लक आहे. येत्या एक ते दोन महिन्यांत शेतकऱ्यांनी पाण्याचे काटेकोर नियोजन केल्यास संभाव्य पाणीटंचाईची तीव्रता काही प्रमाणात कमी राहू शकते, असा अंदाज जलसंपदा विभागाने व्यक्त केला आहे..जिल्ह्यात एकूण २६ धरणे आहेत. या धरणांची एकूण उपयुक्त साठवण क्षमता १९८.३४ टीएमसी असून, गेल्या वर्षी पावसाळ्यानंतर तब्बल २०२.६७ टीएमसी (१०२ टक्के) इतका साठा नोंदवला गेला होता. मात्र मागील सहा महिन्यांत झालेल्या वापरामुळे सध्या धरणांमध्ये सुमारे २३ टक्के पाणी उपलब्ध आहे. गेल्या वर्षी याच कालावधीत हा साठा ३२.९२ टीएमसी म्हणजेच १६ टक्के इतका पाणीसाठा उपलब्ध होता. त्यामुळे यंदा तुलनेने अधिक पाणीसाठा असल्याचे दिसून येते.Dam Water Level Drop: खानदेशातील जलसाठ्यात झपाट्याने घट.शहरांचा वाढता पाणीपुरवठावाढती लोकसंख्या लक्षात घेता पुणे आणि पिंपरी-चिंचवड या शहरांना प्रामुख्याने खडकवासला धरण, चासकमान धरण आणि पवना धरण येथून पाणीपुरवठा केला जातो. तसेच पूर्वेकडील तालुक्यांसाठी शेतीसाठी आवर्तन सोडण्यात आले आहे..Water Crisis: पुशीदरा ठाकरवस्तीत पाणीटंचाई तीव्र.सात धरणांतून कालव्यांना विसर्गसध्या उन्हाळी पिकांसाठी आवश्यक पाणी उपलब्ध राहावे, यासाठी चालू महिन्यांपासून धरणांतून आवर्तन सुरू करण्यात आले आहे. याचा लाभ आंबेगाव, शिरूर, खेड, इंदापूर, बारामती, दौंड आणि पुरंदर तालुक्यांतील शेतकऱ्यांना होत आहे. सध्या खडकवासला, चासकमान, वीर, पिंपळगाव जोगे, डिंभे, घोड आणि उजनी धरण या सात धरणांतून डाव्या व उजव्या कालव्यांसह बंद जलवाहिनीद्वारे पाण्याचा विसर्ग सुरू आहे. .त्यामुळे धरणांतील पाणीपातळी हळूहळू घटत आहे. सध्या पाणीसाठा समाधानकारक असला तरी पुढील काळात तापमानात आणखी वाढ होण्याची शक्यता आहे. परिणामी पाण्याची मागणी वाढून धरणांतील साठा झपाट्याने कमी होण्याची शक्यता जलसंपदा विभागाने वर्तविली आहे..धरणनिहाय असलेला पाणीसाठा (टीएमसीमध्ये)टेमघर ०.०३, वससगाव ४.११, पानशेत ४.८०, खडकवासला ०.७९, पवना ३.१८, कासारसाई ०.२०, कळमोडी १.१६, चासकमान १.७६, भामा आसखेड ३.६९, आंद्रा १.२६, वडिवळे ०.६०, शेटफळ ०.२६, नाझरे ०.१२, गुंजवणी ०.९८, भाटघर ६.४९, नीरा देवघर ३.७३, वीर ४.८६, पिंपळगाव जोगे ०.८७, माणिकडोह ०.७४, येडगाव ०.९३, वडज ०.५२, डिंभे २.८८, चिल्हेवाडी ०.५८, घोड ०.६६, विसापूर ०.१७, उजनी १.७७, मुळशी ६.७२..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
