Maharashtra Dam Water Level: पुणे जिल्ह्यातील घाटमाथा आणि धरणक्षेत्रात मागील काही दिवसांपासून सुरू असलेल्या दमदार पावसानंतर रविवारी (ता. १६) पावसाचा जोर कमी झाला. मुळशी धरणक्षेत्रात सर्वाधिक ५५ मिलिमीटर पाऊस झाला. गेल्या २४ तासांत जिल्ह्यातील धरणांमध्ये ६.७५ टीएमसी पाण्याची आवक झाली असून, एक जूनपासून आतापर्यंत ४१४.२४ टीएमसी पाणी दाखल झाले आहे. आवक सुरू असल्याने २४ धरणांतून विसर्ग कायम आहे..मागील काही दिवसांत मुळशी, मावळ, भोर, वेल्हा तसेच घाटमाथ्यावरील भागात झालेल्या पावसामुळे धरणांच्या पाणलोट क्षेत्रात मोठ्या प्रमाणात पाणी जमा झाले. आता पावसाने उघडीप दिल्याने आवकेचा वेग कमी झाला आहे. मात्र, अधूनमधून पडणाऱ्या सरींमुळे धरणांमध्ये पाणी येणे सुरूच आहे. त्यामुळे मुठा, पवना, भीमा, भामा, इंद्रायणी, कानंदी, कऱ्हा, कुकडी आणि घोड नद्यांमधील पाण्याचा प्रवाह कायम आहे..Mulshi Rainfall: मुळशी धरण क्षेत्रात १४० मिलिमीटर पाऊस.मुठा खोऱ्यात टेमघर येथे १८ मिलिमीटर पाऊस झाला. वरसगाव आणि पानशेत येथे तुरळक सरी, तर खडकवासला येथे उघडीप होती. नीरा खोऱ्यात भाटघर येथे २२ आणि नीरा देवघर येथे २० मिलिमीटर पाऊस नोंदला गेला. पवना, कासारसाई, कळमोडी, चासकमान, भामा आसखेड, आंध्रा, वडीवळे आणि गुंजवणी येथे तुरळक पाऊस झाला. वीर, शेटफळ आणि नाझरे येथे पावसाची उघडीप राहिली..कुकडी खोऱ्यात पिंपळगाव जोगे, माणिकडोह, वडज आणि डिंभे येथे तुरळक पाऊस झाला. चिल्हेवाडी, घोड आणि येडगाव येथे उघडीप होती. विसापूर आणि उजनी परिसरात अंशतः ढगाळ वातावरण होते. घाटमाथ्यावर वळवण येथे ३४, लोणावळा २९, कुंडली २६, ठोकरवाडी ११ आणि शिरोटा येथे ७ मिलिमीटर पाऊस झाला..Maharashtra Rain: विदर्भात विजांसह पावसाचा इशारा कायम.पश्चिम भागात झालेल्या पावसामुळे भातखाचरे भरून वाहत आहेत. धरणक्षेत्रातील पाणीसाठा वाढल्याने भात उत्पादक पट्ट्यात पाण्याची उपलब्धता समाधानकारक आहे. गेल्या काही दिवसांच्या संततधारेनंतर मिळालेली उघडीप भात पिकातील अतिरिक्त पाण्याचा निचरा होण्यासाठी उपयुक्त ठरत आहे..दुसरीकडे, जिल्ह्याच्या पूर्व भागात पावसाचे प्रमाण तुलनेने कमी राहिल्याने खरीप पिकांची स्थिती पश्चिम भागापेक्षा वेगळी आहे. बारामती, इंदापूर, दौंड आणि शिरूर भागातील सोयाबीन, बाजरी, मका, कडधान्ये आणि चारा पिकांसाठी पावसाची गरज आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
