Maharashtra Cabinet Decisions News Updates: राज्य मंत्रिमंडळाच्या बैठकीत भोगवटादार वर्ग- २ जमिनींबाबत मोठा निर्णय घेण्यात आला आहे. राज्यातील कमाल जमीन धारणा मर्यादा नियमानुसार भोगवटादार वर्ग- २ मधून भोगवटादार वर्ग- १ मध्ये रुपांतरणाच्या अधिमुल्याची पुनर्रचना करण्यासाठी अधिसूचना काढण्यास मंत्रिमंडळाने मंजुरी दिली आहे. .भोगवटादार वर्ग- २ मधील जमिनींचे हस्तांतर संबंधित सरकारी अधिकाऱ्याच्या परवानगीशिवाय करता येत नाही. अशी प्रक्रिया करण्यास सरकारचे निर्बंध आहेत. विविध कायद्यांतर्गत वाटप अथवा प्रदान केलेल्या या जमिनी असतात. तर भोगवटादार वर्ग- १ मधील जमिनीचा मालक हा स्वतः शेतकरी असतो. अशा जमिनींचे हस्तांतरण करण्यासाठी कोणतेही निर्बंध नाहीत. .Devasthan Inam Land: 'देवस्थान इनाम जमिनीं'च्या हस्तांतरणाबाबत सरकारचा मोठा निर्णय, ३ दिवसांत कायद्याचा मसुदा अपलोड.इतर महत्त्वाचे मंत्रिमंडळ निर्णय महाराष्ट्र राज्य कॉम्प्रेस्ड बायोगॅस धोरण (सीबीजी), २०२६ जाहीर करण्यात आले आहे. त्यासाठी प्रत्येक जिल्ह्यात समन्वय समिती, बायोगॅस प्रकल्प पीपीपी, हायब्रीड अन्युईटी तत्वावर राबवण्याचा निर्णय घेण्यात आला आहे. यावर्षासाठी पाचशे कोटींची तरतूद करण्यात आली आहे. यामुळे घनकचऱ्याचे पर्यावरणपूरक व्यवस्थापन होणार असून, हरित गृह वायू उत्सर्जन कमी होणार आहे.राज्यातील सात आदर्श महाविद्यालयातील शिक्षकांना विद्यापीठ अनुदान आयोगाच्या निर्देशानुसार मूळ वेतन मिळणार आहे. या पदावरील शिक्षकांना उच्च व तंत्रशिक्षण विभागाच्या पद भरतीमध्ये अतिरिक्त गुण मिळणार आहेत.सातारा जिल्ह्यातील मौजे नागेवाडी येथे आयटी पार्कला जमीन देण्याचा निर्णय मंत्रिमंडळाने घेतला आहे. महाराष्ट्र औद्योगिक विकास महामंडळास ४२. ५५ हेक्टर जमीन देण्यात येणार आहे. यामुळ सातारा जिल्हा आणि परिसरातील आयटी क्षेत्राला प्रोत्साहन मिळणार असून, युवकांना रोजगार आणि व्यवसायाच्या संधी उपलब्ध होणार आहेत..Land Circular: भोगवटादार वर्ग-२ जमिनींसाठी परिपत्रक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
