Pune News: राज्य शासनाने तुकडेबंदीबाबत दिलेल्या आदेशानुसार सातबारा उताऱ्यावर नोंदी घेण्याच्या सूचना जिल्हा प्रशासनाकडून तलाठी व मंडल अधिकाऱ्यांना देण्यात आल्या आहेत. त्यानुसार आता प्रमाणभूत क्षेत्रापेक्षा कमी म्हणजेच एक-दोन गुंठे खरेदीखत झालेल्या, परंतु फेरफार प्रलंबित असलेल्या जमीन व्यवहारांच्या नोंदी आता सातबारा उताऱ्यावर घेण्यात येणार आहेत. ज्यांचे फेरफार रद्द करण्यात आले आहेत, त्यांचे फेरफार नव्याने घेण्याच्या सूचनाही जिल्हा प्रशासनाने देण्यात आल्या आहेत..राज्य शासनाच्या अधिसूचनेनुसार महापालिका, नगरपरिषदा आणि नगरपंचायतींच्या हद्दींमध्ये तुकडेबंदी कायदा लागू असणार नाही. तसेच, प्राधिकरण व प्रादेशिक आराखडा (आरपी) लागू असेल, अशा हद्दींत निवासी, वाणिज्यिक, औद्योगिक किंवा इतर कोणत्याही अकृषिक वापरासाठी असलेल्या क्षेत्रात आणि गावांच्या हद्दीपासून २०० मीटरच्या आतील क्षेत्रात तुकडेबंदी कायदा लागू असणार नाही..जिल्हा प्रशासनाच्या आदेशात म्हंटले आहे की, ज्यांच्या नोंदणीकृत दस्तावर आधारित फेरफार नोंदी पूर्वी तुकडेबंदीमुळे रद्द करण्यात आल्या होत्या, त्या आता पुनरुज्जीवित करून त्यांची नव्याने फेरफार नोंद घ्यावी. त्यानंतर सातबारा उताऱ्यामध्ये कब्जेदार सदरी खरेदीदाराचे नाव नमूद करावे. .ज्यांची नावे इतर हक्कांत नोंदवून ‘तुकडेबंदी कायद्याविरुद्ध व्यवहार’ असा शेरा मारला गेला होता, त्यांची नावे इतर हक्कांतून काढून थेट सातबारा उताऱ्यावरील कब्जेदार सदरी नोंदवली जातील. ज्यांनी तुकड्यांचा व्यवहार नोंदणीकृत केला आहे; पण त्यांची नोंद सातबारा उताऱ्यावर नाही, त्यांनी नोंदणीकृत दस्ताच्या प्रतीसह तहसीलदार कार्यालयात अर्ज करावा. त्याच्या आधारावर फेरफार नोंद घेण्यात यावी, असेही जिल्हा प्रशासनाने म्हटले आहे..१५ ऑक्टोबर २०२४ पर्यंतचे व्यवहार नियमित१५ नोव्हेंबर १९९५ रोजी किंवा त्यानंतर १५ ऑक्टोबर २०२४ पर्यंतचे तुकडेबंदीचे व्यवहार नियमित होणार आहेत. तसेच, हे व्यवहार नियमित करण्यासाठी पूर्वी अधिमूल्य आकारण्यात येत होते. तेही माफ करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
