Agriculture Scheme: शेतकऱ्यांना शासनाच्या विविध योजनांतील अनुदान तातडीने आणि पारदर्शक पद्धतीने मिळावे, यासाठी सुरू करण्यात आलेल्या ‘महाडीबीटी’ पोर्टलची प्रक्रिया सध्या ठप्प झाल्याने शेतकरी मोठ्या अडचणीत सापडले आहेत. विशेषतः कृषी यांत्रिकीकरण घटकांसाठीची पूर्वसंमती प्रक्रिया बंद असल्याने हजारो अर्ज प्रलंबित राहिले आहेत..अकोला जिल्ह्यात कृषी यांत्रिकीकरणासाठीMaha DBT सुमारे ६४ हजारांहून अधिक शेतकऱ्यांनी अर्ज केले होते. मात्र गेल्या काही महिन्यांपासून पोर्टलवरील संबंधित टॅब बंद असल्यामुळे मंजुरीची प्रक्रिया पुढे सरकत नाही. परिणामी, पूर्वसंमती मिळालेल्यांपैकी अत्यल्प शेतकऱ्यांनाच प्रत्यक्ष अनुदानाचा लाभ मिळाला आहे..Maha DBT Scheme : यांत्रिकीकरणाच्या लाभार्थ्यांना मुदतवाढ देण्याची गरज.उर्वरित शेतकरी मात्र अनुदानाच्या प्रतीक्षेत आहेत. या पार्श्वभूमीवर शेतकरी सातत्याने कृषी विभागाकडे चौकशी करत आहेत. मात्र, अधिकाऱ्यांनाही पोर्टलवरील तांत्रिक अडचणी आणि प्रशासकीय निर्णयांमुळे ठोस उत्तर देता येत नसल्याचे दिसून येत आहे. त्यामुळे शेतकऱ्यांमध्ये नाराजीचे वातावरण आहे..दरम्यान, राज्य सरकारने डिजिटल प्रणालीद्वारे अनुदान वाटप सुलभ करण्याचा उद्देश ठेवून हे पोर्टल सुरू केले होते. परंतु प्रत्यक्षात तांत्रिक अडथळे आणि पूर्वसंमती प्रक्रिया थांबविल्याने संपूर्ण यंत्रणेवर प्रश्नचिन्ह निर्माण झाले आहे..Agriculture Subsidy: कृषी अवजारे बँक स्थापनेसाठी मिळणार ६० टक्के अनुदान.सध्या केवळ अनुसूचित जाती व जमाती (एससी-एसटी) प्रवर्गासाठी मर्यादित स्वरूपात टॅब सुरू करण्यात आल्याची माहिती आहे. इतर प्रवर्गातील शेतकऱ्यांसाठी मात्र कोणतीही कार्यवाही होत नाही. याबाबत तातडीने निर्णय न घेतल्यास येणाऱ्या हंगामावर याचा गंभीर परिणाम होण्याची भीती व्यक्त केली जात आहे..नियोजनात खोडाकृषी अधिकारी स्तरावर यांत्रिकीकरण योजनेच्या मंजुरीसाठी आवश्यक टॅबच बंद असल्याने प्रस्ताव पुढे पाठविणे शक्य होत नाही. याचा थेट परिणाम शेतकऱ्यांवर होत असून, शेतीसाठी आवश्यक यंत्रसामग्री खरेदीचे नियोजन कोलमडले आहे. शासनाने लवकरात लवकर पोर्टल सुरळीत करून पूर्वसंमती प्रक्रिया सुरू करावी, अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
