Beed News : शासनाच्या विविध योजनांचा लाभ घेण्याकरिता महा-डीबीटी शेतकरी पोर्टल शेतकऱ्यांकरीता विकसित करण्यात आले आहे. परंतु महिल्याभरापासून हे संकेतस्थळ सुरळीत चालत नसल्याने विविध योजनेत निवड झालेल्या शेतकऱ्यांना कागदपत्रे अपलोड होत नाहीत. त्यामुळे शेतकरी योजना असूनही लाभापासून वंचित राहणार की काय, असा सवाल उपस्थित होत आहे. .राज्य शासनाने विद्यार्थी, शेतकऱ्यांना आणि नागरिकांना थेट शासकीय योजना व शिष्यवृत्तीचे पैसे त्यांच्या बॅंक खात्यावर पोहोचविण्यासाठी ही ऑनलाइन सेवा सुरू केलेली आहे. कृषी विभाग, मदत व पुनर्वसन विभागाच्या असलेल्या विविध अनुदान योजना, पीक विमा तसेच शेतीच्या दृष्टीने गरजेच्या विविध अवजारे, सिंचन सुविधा, कांदा चाळ यासह अनेक योजना थेट शेतकऱ्यांना देण्यात येतात..MahaDBT Portal : ‘महाडीबीटी’ डाउन, लाभार्थी वंचित.तालुक्यामध्ये अनेक शेतकऱ्यांची सिंचन सुविधा घटकांतून निवड झाली. त्यांना कागदपत्रे अपलोड करण्यासाठी आपले सरकार सुविधा केंद्रावर खेटे मारण्याची वेळ आली आहे. लॉगइन करताना देखील ओटीपी लवकर जात नाही तर ओटीपी पडताळणी देखील होत नसल्याने सिएससी सेंटर चालकांतून देखील संताप व्यक्त केला जात आहे..स्प्रे फवारणी पंपासाठी देखील शेतकऱ्यांची निवड झालेली आहे. परंतु त्यांची देखिल पुढील प्रक्रिया होत नाही. त्यामुळे शेतकरी संभ्रमात असून शासनाने महा-डीबीटी पोर्टल सुरळीत करावे अशी मागणी होत आहे..MahaDBT Portal: महाडीबीटीमधील गोंधळामुळे फलोत्पादन संचालकही हैराण.खरेदीसाठी पूर्वसंमती कधी?प्रधानमंत्री कृषी सिंचन योजने अंतर्गत तुषार सिंचनासाठी तालुक्यातील अनेक शेतकऱ्यांची निवड झाली. परंतु तुषार सिंचनाचा संच खरेदीसाठी महा-डीबीटी पोर्टलवर पूर्वसंमती गरजेची असते. परंतु मागील अनेक दिवसांपासून पूर्वसंमती बंद असल्याचे येथील कृषी कार्यालयातून सांगण्यात येते. त्यामुळे निवड झाल्यानंतरही प्रतीक्षा करण्याची वेळ अनेक लाभार्थ्यांवर आली आहे..प्रधानमंत्री कृषी सिंचन योजनेअंतर्गत तुषार सिंचनासाठी निवड झाल्याचा मेसेज आला. परंतु अनेक वेळा प्रयत्न केल्यानंतर कागदपत्रे अपलोड झाली. त्यानंतरही प्रतीक्षाच करावी लागत आहे. जून महिन्यात कागदपत्रे अपलोड केली अजून पूर्वसंमती मिळाली नाही.- महानंदा शेजूळ, शेतकरी सांडस चिंचोली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
