Farmers Support: सातारा जिल्ह्यातील शेतकऱ्यांना सक्षम करण्यासाठी शासनाने खरीप हंगाम २०२६-२७ च्या पार्श्वभूमीवर एक महत्त्वपूर्ण निर्णय घेतला आहे. महाडीबीटी पोर्टलद्वारे विविध पिकांच्या प्रमाणित बियाण्यांवर मोठ्या प्रमाणात अनुदान जाहीर केले आहे. काही पिकांसाठी तब्बल शंभर टक्के अनुदान मिळणार आहे. यामुळे शेतकऱ्यांना अतिशय कमी खर्चात सुधारित व दर्जेदार बियाणे उपलब्ध होणार आहेत..राष्ट्रीय खाद्यतेल अभियान (तेलबिया), राष्ट्रीय अन्न सुरक्षा व पोषण अभियान आणि कडधान्य आत्मनिर्भरता अभियानांतर्गत ही योजना राबवली जात आहे. सुधारित बियाण्यांचा वापर वाढवून पिकांची उगवण क्षमता व रोगप्रतिकारक शक्ती सुधारणे, हा या योजनेचा मुख्य उद्देश आहे. या योजनेत भात, मका, सोयाबीन, तूर, मूग, उडीद, नाचणी, खरीप ज्वारी आणि भुईमूग या प्रमुख पिकांचा समावेश आहे. .Seed Subsidy Scheme : प्रमाणित बियाण्यांच्या खरेदीवर आता शेतकऱ्यांना थेट ५० % सवलत .दर्जेदार बियाण्यांमुळे हवामान बदलाच्या काळातही शेतकऱ्यांना भरघोस उत्पादन घेता येईल आणि त्यांचा उत्पादन खर्च कमी होणार आहे. खरीप हंगामाच्या तोंडावर सुरू झालेली ही योजना विशेषतः लहान व मध्यम शेतकऱ्यांसाठी आधार ठरणार आहे. किमान २० गुंठे ते अडीच एकर जमीन असलेल्यांना याचा लाभ घेता येणार आहे. .MahaDBT Schemes: ‘महाडीबीटी प्रणालीवर अर्ज करावेत’.तसेच अर्ज करण्यासाठी अर्जदाराचा ७/१२ आणि ८-अ उतारा, बँक खाते पासबुक, अनुसूचित जाती/जमाती प्रवर्गासाठी जात प्रमाणपत्र, ओळख व पत्त्याचा अधिकृत पुरावा (पोर्टलवर नोंदणीसाठी) ही कागदपत्रे आवश्यक आहेत. कृषी विभागाने सर्व शेतकऱ्यांना वेळेत नोंदणी करून या योजनेचा लाभ घेण्याचे आवाहन केले आहे. त्यामुळे शेती अधिक सक्षम होण्यास मदत होईल..प्रथम अर्ज करणाऱ्यास प्राधान्यया योजनेचा लाभ प्रथम अर्ज, प्रथम प्राधान्य या तत्त्वावर दिला जाणार आहे. त्यामुळे शेतकऱ्यांनी महाडीबीटी पोर्टलवर तातडीने ऑनलाइन अर्ज करावेत, असे आवाहन कृषी विभागाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
