Koturde Dam Water Storage: महाड शहराला पाणीपुरवठा करणाऱ्या प्रमुख जलस्रोतांपैकी एक असलेल्या कोतुर्डे धरणातील पाण्याची पातळी कमालीची घटली आहे. सद्य:स्थितीत येथे केवळ १५ दिवस पुरेल इतकाच पाणीसाठा उपलब्ध असल्याने महाड शहरावरील पाणीटंचाईचे संकट अधिक गडद झाले आहे..धरणातील पाणीसाठा कमी झाल्याने यापूर्वीच महाड शहरातील पाणीपुरवठा एक दिवसाआड करण्यात आला आहे. तसेच शहरातील पाणीटंचाईग्रस्त भागांमध्ये सध्या पाच टँकरद्वारे पाणीपुरवठा करण्यात येत आहे. कोतुर्डे धरणातून शहरासह विभागातील सुमारे ११ गावांनाही पाणीपुरवठा केला जातो. त्यामुळे उपलब्ध पाणीसाठ्यावर अधिक ताण निर्माण झाला असून, त्याचाही परिणाम पाण्याच्या उपलब्धतेवर होत आहे. .Water Scarcity: मंचर शहरावर पाणीटंचाईचे सावट.तसेच कोतुर्डे धरणामध्ये गेल्या अनेक वर्षांपासून मोठ्या प्रमाणात गाळ साचला असून, त्यामुळे धरणाची पाणीसाठवण क्षमता घटल्याचे तज्ज्ञांनी यापूर्वीच नमूद केले होते. या गाळामुळे जलसंचयावर परिणाम होत असल्याने धरणातील गाळ काढण्याची मागणी अनेक वर्षांपासून नागरिकांकडून करण्यात येत होती..Declining Water Storage: लघु प्रकल्पात १८ टक्के, तर मध्यम प्रकल्पात १९ टक्के पाणीसाठा.चालू वर्षी निर्माण झालेल्या तीव्र पाणीटंचाईच्या पार्श्वभूमीवर प्रशासनाने या मागणीची दखल घेत धरणातील गाळ काढण्याच्या कामाला अखेर मंजुरी दिली आहे. धरण क्षेत्रातील सध्या अस्तित्वात असलेल्या पाण्यापासून सुमारे ८०० ते एक हजार मीटर अंतरावर गाळ काढण्याचे काम सुरू झाले आहे..कोथेरी धरणाचे काम रखडलेमंत्री भरत गोगावले यांनी धरण परिसराची पाहणी करून संबंधित विभाग आणि उच्चस्तरीय अधिकाऱ्यांशी चर्चा केल्यानंतर या कामाला गती मिळत आहे. महाड शहराजवळ असलेल्या कोथेरी येथील धरणाचे काम रखडले आहे. या धरणामध्ये महाड शहरासाठी पाणीसाठा राखीव ठेवण्यात आला आहे. सध्या शहरात एक दिवसाआड पाणीपुरवठा होत असून, परिस्थिती अधिक गंभीर झाल्यास हा पाणीपुरवठा दोन दिवसाआड करण्याची वेळ येऊ शकते, अशी माहिती प्रशासनाकडून देण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
