Ahilyanagar News: भटक्यांची पंढरी म्हणून ओळख असलेल्या श्रीक्षेत्र मढी (ता. पाथर्डी) येथील यात्रेतील पारंपरिक गाढव बाजारात यंदा गाढवांची आवक लक्षणीयरीत्या घटली आहे. मात्र मागणी कायम असल्याने गतवर्षीच्या तुलनेत गाढवांच्या किमतीत सुमारे ४० टक्क्यांनी वाढ झाल्याचे दिसून येत आहे. राज्यातील सर्वांत मोठ्या या गाढव बाजारात यंदा केवळ सुमारे २०० गाढवे विक्रीसाठी दाखल झाली असून, गुजरातच्या काठेवाडी गाढवांना विशेष मागणी आहे..राज्यात वर्षभरात केवळ चार ठिकाणी गाढवांचे बाजार भरतात. त्यात देऊळगाव राजा (बुलडाणा), जेजुरी (पुणे), मढी (अहिल्यानगर) आणि माळेगाव (नांदेड) या ठिकाणांचा समावेश आहे. यापैकी मढीचा बाजार सर्वांत मोठा आणि प्रसिद्ध मानला जातो. गाढवांचा वापर आजही वीटभट्ट्यांवर माती व वाळू वाहतुकीसाठी, तसेच गड-किल्ल्यांवर व डोंगराळ भागात सामान नेण्यासाठी मोठ्या प्रमाणावर केला जातो..Animal Market: जनावरांच्या बाजाराची दैना.याशिवाय गाढविणीचे दूध लहान मुलांच्या काही औषधोपचारांमध्ये उपयोगी ठरत असल्याने त्याची मागणी वाढत आहे. अहिल्यानगर जिल्ह्यातील मढी येथे चैतन्य कानिफनाथ महाराज यांची संजीवन समाधी असून, होळीच्या काळात येथे यात्रा भरते. रंगपंचमीला मुख्य यात्रोत्सव असतो. फाल्गुन कृष्ण चतुर्थी, रंगपंचमी आणि नाथषष्ठी या तीन दिवसांत पारंपरिक गाढव बाजार भरतो. मात्र गेल्या काही वर्षांपासून गाढवांची आवक घटत असून यंदा ती गतवर्षीच्या तुलनेत सुमारे ३० ते ४० टक्क्यांनी कमी झाली आहे..Animal Market Action: लकडगंजमधील वन्यजीवांच्या बेकायदा बाजारावर होणार कारवाई.यंदा गावरान गाढवांची किंमत १० हजार ते ४० हजार रुपये, तर काठेवाडी गाढवांची किंमत ३० हजार ते ९० हजार रुपयांपर्यंत पोहोचली आहे. ग्राहकांची संख्या जास्त आणि विक्रेते कमी असल्याने भाव वाढल्याचे अविनाश ऊर्फ सोनू बोरुडे (बेलापूर) यांनी सांगितले. गुजरातच्या काठेवाड प्रांतातील गाढवे मजबूत व टिकाऊ असल्याने त्यांना सर्वाधिक मागणी असल्याचे व्यापारी अमोल धोत्रे यांनी सांगितले..किंमत ठरते दातावरूनगाढवाच्या जाती व प्रकृतीनुसार त्याची किंमत ठरवली जाते. गाढवाचे वय प्रामुख्याने त्याच्या दातांवरून निश्चित केले जाते आणि त्यानुसार बाजारभाव ठरतो. काठेवाडी जातीच्या गाढवांना बाजारात चांगली मागणी असते. या गाढवांची उंची-लांबी चांगली असून दिसायलाही आकर्षक असतात. तसेच माल वाहून नेण्याची क्षमता जास्त असल्याने व्यापाऱ्यांकडून त्यांना अधिक पसंती दिली जाते, अशी माहिती व्यापारी दादू गोटीराम शिंदे यांनी दिली..मढी येथील प्रसिद्ध गाढवांच्या बाजारात यंदा गाढवांची आवक कमी झाल्याने भावात मोठी वाढ झाली आहे. मागणी वाढल्यामुळे मागील वर्षीच्या तुलनेत भाव दुप्पट झाले असून, खरेदीदारांना जादा पैसे मोजावे लागत आहेत.मारुती पवार, फलटण, जि. सातारा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
