Washim News : रिसोड तालुक्यातील केनवडसह भर जहागीर, लोणी, मोप, वाकद, मांगूळ झनक या गावांमध्ये लम्पी स्किन या विषाणूजन्य आजाराचा फैलाव सुरू असून पशुपालक मोठ्या चिंतेत आहेत. बुलडाणा जिल्ह्यालगत असल्याने या भागातील पशुधनाला अधिक धोका निर्माण झाला आहे..यापूर्वी लम्पीचा प्रादुर्भाव झाल्यामुळे अनेक पशुधन बाधित झाले होते. यावर्षी पुन्हा आजाराने डोके वर काढले असून आतापर्यंत रिसोड तालुक्यात ७, भर जहागीर येथे २ पशुधन व केनवडमध्ये मोकाट जनावरे बाधित आढळून आली आहेत. तर भर जहागीर गावातील एका बैलाचा लम्पीमुळे मृत्यू झाल्याचे वृत्त आहे..Lumpy Skin : पुण्याच्या पथकाने घेतले लम्पी स्किनचे नमुने .पशुसंवर्धन विभागाच्या तत्काळ उपाययोजनांमुळे बाधित पशुधनापैकी निम्म्यापेक्षा अधिक बरे झाले आहे. तरीसुद्धा गावागावात लम्पी प्रतिबंधात्मक फवारणी व लसीकरणाच्या गतीवर प्रश्नचिन्ह उपस्थित होत आहे. अनेक जनावरे अद्याप लसीकरणापासून वंचित असल्याने पशुपालकांमध्ये अस्वस्थता आहे..Lumpy Skin : लम्पी नियंत्रणासाठी तीन जलद कृती दल.जनावरांची योग्य निगा राखालम्पी आजार माशा-डासांसारख्या कीटकांद्वारे पसरतो. त्यामुळे गोठ्यात स्वच्छता राखणे, कीटकनाशकांची फवारणी करणे आणि पशुधनाला सकस आहार व स्वच्छ पाणी देणे अत्यावश्यक आहे. प्रतिबंधात्मक लसीकरण हा प्रभावी उपाय आहे..मी व माझ्या सहकाऱ्यांनी गावागावात जाऊन तसेच दवाखान्यात आणलेल्या जनावरांचे लसीकरण केले आहे. तरी पशुपालकांनी घाबरून न जाता आपल्या जनावरांचे तत्काळ लसीकरण करून घ्यावे. बाधित जनावरे कळपापासून वेगळे ठेवावीत. कोणतेही लम्पी सदृश लक्षण दिसल्यास तत्काळ पशुसंवर्धन विभागाशी संपर्क साधावा.- अभिजीत बोरुडे, पशुवैद्यकीय अधिकारी, केनवड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
