Commercial Cylinder Price Hike: दसरा आणि दिवाळी सणाच्या तोंडावर लोकांना महागाईचा आणखी एक धक्का बसला आहे. आजपासून (१ ऑक्टोबर) व्यावसायिक एलपीजी (LPG) सिलिंडर पुन्हा महागला आहे. दिल्लीत १९ किलो वजनाच्या सिलिंडरच्या दरात ६२.५० रुपयांनी वाढ झाली आहे. यामुळे त्यासाठी आता २,८१० रुपये मोजावे लागतील..सरकारी तेल कंपन्यांच्या माहितीनुसार, व्यावसायिक एलपीजी सिलिंडरचा दर २,७४७.५० रुपये होता. यात सुमारे २.३ टक्के वाढ झाली आहे. तर दिल्लीत घरगुती वापराच्या सिलिंडरच्या दरात कोणताही बदल झालेला नाही. १४.२ किलो वजनाच्या घरगुती सिलिंडरचा दर ९४२ रुपये एवढा कायम आहे. .LPG Subsidy Rule: एलपीजी सिलिंडरच्या अनुदानाबाबत मोठा बदल; १ ऑक्टोबरपासून बायोमेट्रिक आधार प्रमाणीकरण अनिवार्य.व्यावसायिक एलपीजी सिलिंडर सप्टेंबर महिन्यात ९.५० रुपयांनी महागला होता. आता पुन्हा त्याचा दर वाढला आहे. त्याआधी त्याच्या दरात जुलै महिन्यात १८३.५० रुपये आणि ऑगस्टमध्ये १९२ रुपयांची अशी सलग दोनवेळा कपात करण्यात आली होती. जागतिक ऊर्जा पुरवठा साखळी विस्कळीत होणे आणि आंतरराष्ट्रीय बाजारात वाढत्या दराच्या पार्श्वभूमीवर जूनमध्ये एलपीजी सिलिंडरचा दर उच्चांकी पातळीवर पोहोचला होता. त्यानंतर त्याच्या दरात कपात करण्यात आली होती. .LPG Refill Booking: आता २५ दिवसांत गॅस सिलिंडर बुकिंग करता येणार, ग्रामीण भागातील लोकांना मोठा दिलासा .फेब्रुवारी आणि जून दरम्यानच्या कालावधीत व्यावसायिक एलपीजीचा दर १,७४०.५० रुपयांवरून ३,११३.५० रुपयांपर्यंत पोहोचला होता. याचाच अर्थ तो १,३७३ रुपयांनी महागला होता. सध्याचा २,८१० रुपये दर हा फेब्रुवारीतील दराच्या तुलनेत सुमारे ६० टक्के अधिक असल्याचे दिसून येते..मार्च आणि जून दरम्यान घरगुती वापराच्या गॅस सिलिंडरचा दर ८९ रुपयांनी वाढला होता. तर मे महिन्यात पेट्रोल- डिझेल प्रति लिटर सुमारे ७.५० रुपयांनी महागले होते. त्यानंतर इंधनाच्या दरात कोणताही बदल करण्यात आला नाही. आंतरराष्ट्रीय बाजारात कच्चे तेल आणि एलपीजीच्या दरात बदल झाल्यास त्यानुसार व्यावसायिक एलपीजी दरातही बदल केला जातो. हा सिलिंडर आता महागल्याने रेस्टॉरंट्स, हॉटेल्स, खानावळ यांचा खर्च वाढणार आहे. .व्यावसायिक एलपीजी सिलिंडरचे (१९ किलो) शहरनिहाय नवे दर दिल्ली- २,८१० रुपयेबंगळूर- २,८९८ रुपयेहैदराबाद- ३,०६५ रुपयेमुंबई- २,७६४.५० रुपयेचेन्नई- २,९८३ रुपयेकोलकाता- २,९५४ रुपयेजयपूर- २,८३९ रुपयेचंदीगड- २,८३३ रुपये .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
