Public Issues: राज्यभर सुरू असलेल्या गॅस टंचाईमुळे सर्वसामान्य नागरिकांचे दैनंदिन जीवन पूर्णतः विस्कळीत झाले असून, याविरोधात वंचित बहुजन आघाडीच्या वतीने ‘नरेंदर कब मिलेगा सिलिंडर’ या घोषणा जिल्हाधिकारी कार्यालयासमोर चूळ पेटून आंदोलनाद्वारे प्रशासनाचे लक्ष वेधले. जिल्हाधिकारी, तहसीलदा, प्रांताधिकारी यांना निवेदन देण्यात आले..वंचित बहुजन आघाडीच्या कार्यकर्त्यांनी दिलेल्या निवेदनात म्हटले आहे की, गॅस टंचाईमुळे स्वयंपाकघरातील गॅस शेगड्या थंड पडल्या असून चहाच्या टपऱ्या, फूड स्टॉल्स आणि लहान व्यावसायिकांचे व्यवसाय ठप्प झाले आहेत. अनेकांना कोळसा आणि लाकडाच्या चुलीवर स्वयंपाक करावा लागत आहे..LPG Supply EC Act: 'एलपीजी'चा तुटवडा, साठेबाजी रोखण्यासाठी केंद्राचा मोठा निर्णय, 'एस्मा' लागू.दरम्यान, अकोला येथे गॅस सिलिंडरसाठी रांगेत उभे असताना माजी सरपंच शंकरराव शिरसाठ यांचा मृत्यू झाला, तर अमरावतीमध्येही अशाच प्रकारे एका तरुणाचा मृत्यू झाल्याची दुर्दैवी घटना घडली आहे. या घटनांमुळे परिस्थितीची गंभीरता अधोरेखित होत असल्याचे आंदोलनकर्त्यांनी सांगितले. गॅसटंचाईचा फटका केवळ घरगुती वापरापुरता मर्यादित नसून, हॉटेल्स, केटरिंग व्यवसाय, रिक्षा चालक तसेच विद्यार्थ्यांच्या मेस सेवांवरही मोठा परिणाम झाला आहे. अनेक ठिकाणी गॅसच्या अभावामुळे लग्न समारंभ आणि धार्मिक कार्यक्रम पुढे ढकलण्यात आले आहेत. रिक्षा चालकांनीही मोर्चे काढून आपला आक्रोश व्यक्त केला आहे..LPG Cylinder Booking: गॅस सिलिंडर बुकिंगच्या नियमांमध्ये बदल; डिलिव्हरीमधील अंतर २१ दिवस.वंचित बहुजन आघाडीचे नेते बाळासाहेब आंबेडकर यांनी ११ मार्च रोजी दिलेला इशारा आज प्रत्यक्षात उतरल्याचा दावा आंदोलनकर्त्यांनी केला. केंद्र आणि राज्य सरकार परिस्थिती सामान्य असल्याचा दावा करत असताना, प्रत्यक्षात नागरिकांना गॅससाठी तासनतास रांगेत उभे राहावे लागत असल्याची टीकाही करण्यात आली..याशिवाय, अनेक ठिकाणी गॅस सिलिंडरचा काळाबाजार होत असून, काही ठिकाणी ५ ते ७ हजार रुपयांपर्यंत दर आकारला जात असल्याचा आरोप करण्यात आला..गॅस सिलिंडरची कृत्रिम टंचाई तत्काळ थांबवावी, काळाबाजार रोखून संबंधितांवर कठोर कारवाई करावी, २५ दिवसांनंतर गॅस मिळण्याची अट शिथिल करावी, विद्यार्थ्यांसाठी कम्युनिटी किचन सुरू करावे, प्रत्येक २ किमी अंतरावर गरजूंसाठी अन्न व्यवस्था करावी, गॅस पुरवठा कधी सुरळीत होणार याबाबत स्पष्ट माहिती द्यावी, केवायसी नसल्यामुळे गॅस नाकारण्याचे प्रकार थांबवावेत, उज्ज्वला योजनेअंतर्गत वितरणाचे जिल्हानिहाय ऑडिट करावे, अशा मागण्या करण्यात आल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
