Pune News: प्रयोगशील शेतीला चालना देण्यासाठी राबवली जाणारी शासनाची पीक स्पर्धा योजना हिंगोली जिल्ह्यात अपेक्षेप्रमाणे यशस्वी ठरताना दिसत नाही. खरिप हंगाम २०२५ मध्ये संपूर्ण जिल्ह्यातून केवळ ७७ शेतकऱ्यांनीच या स्पर्धेत सहभाग नोंदवला आहे. काही पिकांसाठी तर एकाही शेतकऱ्याने अर्ज न केल्याची बाब समोर आली आहे. रब्बी हंगामातही शेतकऱ्यांचा प्रतिसाद अत्यंत कमी असल्याचे दिसून येत आहे. .या योजनेचा उद्देश शेतीत आधुनिक तंत्रज्ञानाचा वापर वाढवणे, नवनवीन पद्धती अवलंबणाऱ्या शेतकऱ्यांना प्रोत्साहन देणे आणि त्यांना आर्थिक बक्षिसे देणे हा आहे. सहभागी शेतकऱ्यांना रोख बक्षिसे दिली जातात..Rabi Crop Competition: रब्बीसाठी ‘कृषी’ची पीक स्पर्धा.रब्बी हंगामालाही अल्प प्रतिसाद...खरिपप्रमाणेच रब्बी हंगामातील पिकांसाठी असलेल्या पीक स्पर्धेलाही शेतकऱ्यांचा प्रतिसाद कमी आहे. अनेक तालुक्यांतून अजूनही जिल्हा कृषी कार्यालयाकडे अर्ज पोहोचलेले नाहीत. त्यामुळे रब्बी हंगामात किती शेतकऱ्यांनी सहभाग घेतला, हेही स्पष्ट झालेले नाही. त्यामुळे ही योजना कागदावरच मर्यादित राहते की काय, असा प्रश्न उपस्थित होत आहे..तालुकानिहाय स्थिती...हिंगोली तालुक्यातून सोयाबीनसाठी २५ आणि तूरीसाठी ४ अर्ज आले आहेत. कळमनुरी तालुक्यात मूगासाठी ५, उडीदासाठी २ आणि तूरीसाठी ४ अर्ज मिळाले. वसमत, सेनगाव आणि औंढा नागनाथ या तालुक्यांत काही पिकांसाठी एकही अर्ज आलेला नाही, तर काही ठिकाणी फारच कमी सहभाग आहे..Rabi Crop Competition: रब्बी हंगामातील पिकांसाठी स्पर्धेची घोषणा.बक्षिसे आकर्षक, तरीही प्रतिसाद कमी...या स्पर्धेत तालुका पातळीवर ५ हजार, ३ हजार आणि २ हजार रुपयांची बक्षिसे दिली जातात. जिल्हा पातळीवर १० हजार रुपयांपर्यंत, तर राज्य पातळीवर तब्बल ५० हजार रुपयांचे बक्षीस आहे. एवढी चांगली बक्षिसे असूनही शेतकऱ्यांचा प्रतिसाद कमी राहिला..अनेक तालुक्यांत एकाही शेतकऱ्याने सहभाग नोंदवला नसल्याने योजनेवर प्रश्न उपस्थित होत आहेत. योजनेची माहिती शेतकऱ्यांपर्यंत पोहोचत नाही की अर्ज प्रक्रिया कठीण आहे, याचा कृषी विभागाने गांभीर्याने विचार करून सुधारणा करण्याची गरज व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
