Palghar News: डहाणू तालुक्यात भातशेतीसोबतच माळरानात मोठ्या प्रमाणात उगवणाऱ्या गवत आणि पावलीची खरेदी-विक्री ही अनेक शेतकऱ्यांच्या उदरनिर्वाहाचे प्रमुख साधन आहे. तालुक्यातील काही भागांत नोव्हेंबर अखेरीपासून गवत-पावली खरेदी वखारी सुरू झाल्या आहेत, मात्र भाव समाधानकारक नसल्याने शेतकरी अडचणीत आले आहेत..गेल्या काही वर्षांत या व्यवसायाला चांगली मागणी मिळत असली तरी यंदा पावसाचा फटका बसल्याने गवत-पावलीच्या गुणवत्तेत घट झाली आहे. परिणामी बाजारभावही घसरले असून, शेतकरी नाराज आहेत. अवकाळी पावसामुळे पावली ओली, काळवंडलेली आणि निकृष्ट प्रतीची झाल्याने मोठ्या मेहनतीनंतरही योग्य दर मिळत नाही, अशी शेतकऱ्यांची खंत आहे..Sugarcane Farmer Issue: उसाला तुरे आल्याने शेतकरी चिंतेत.एकेकाळी डहाणू तालुका हा गवत, पावली व्यापाराचा मुख्य केंद्रबिंदू मानला जात होता. वाडा, जव्हार, पालघर, डहाणू अशा विविध तालुक्यांमधून शेतकरी मोठ्या प्रमाणात गवत-पावली घेऊन डहाणूतील वखारींत येत असत. गेल्या वर्षी २५ ते ३० वखारी कार्यरत असताना यंदा ही संख्या कमी होऊन फक्त सात ते आठ वखारी शिल्लक राहिल्या आहेत..कमी भावामुळे अनेक वखारमालकांनी गवत साठवून ठेवण्याचा पर्याय स्वीकारला आहे. पावसाळ्यात तबेल्यांत गवताला मोठी मागणी असते, मात्र यावर्षी पावसाळ्यादरम्यान वखारी बंद असल्याने नुकसान झाल्याचे वखारमालक सांगतात.पूर्वी डहाणू, वाणगाव, कासा, गंजाड परिसरातील रस्त्यांवर गवत-पावलीच्या बैलगाड्यांच्या रांगा लागायच्या. .Farmers Issue: शेतकऱ्यांसह मजुरांचा जीवघेणा प्रवास.गाठड्यांवर भर पूर्वीसारखी गवत-पावली आता उरत नाही. जास्त दिवस साठा केला की बुरशी येते आणि भाव कमी होतो. बेभरवशाच्या पावसामुळे मालाचे नुकसान होते. हा व्यवसाय आता अनिश्चित झाला आहे. सध्या ११५ किलो वजनाच्या गाठड्या तयार करून ठेवत आहोत, मागणीप्रमाणे पाठवणे सोपे जाते, असे वखारमालक राजेश शिंदे यांनी सांगितले. .हवामानाचा व्यवसायावर परिणाम अवकाळी पावसामुळे गवत-पावलीला यंदा चांगला दर्जा राहिला नाही. विक्रीला नेण्याचा खर्च वेगळाच. मेहनत, खर्च आणि भाव यांचा ताळमेळ जमत नाही. यावर्षीच्या हवामानामुळे संपूर्ण गणितच बदलले आहे, असे शेतकरी जय प्रकाश कोदे यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
