Nashik News: नाशिक जिल्ह्यात यापूर्वी झालेल्या रास्ता रोको आंदोलनानंतरही शेतकरी व कष्टकऱ्यांच्या मागण्यांकडे शासनाने दुर्लक्ष केल्याचा आरोप करत मार्क्सवादी कम्युनिस्ट पक्षाने (माकप) पुन्हा आक्रमक भूमिका घेतली आहे. प्रलंबित मागण्यांच्या पूर्ततेसाठी रविवारी (ता. २५) सकाळी ९ वाजता नाशिक येथून मुंबईच्या दिशेने भव्य ‘लाँग मार्च’ काढण्याचा निर्णय पक्षाच्या राज्य समितीने जाहीर केला आहे..‘माकप’चे राज्य सचिव डॉ. अजित नवले यांनी दिलेल्या माहितीनुसार, पक्षाच्या झालेल्या बैठकीला अखिल भारतीय किसान सभेचे राष्ट्रीय अध्यक्ष डॉ. अशोक ढवळे, माजी आमदार जे. पी. गावीत, माजी आमदार नरसय्या आडम, मरियम ढवळे, आमदार विनोद निकोले यांच्या उपस्थितीत हा निर्णय घेण्यात आला..Farmer Protest: विविध मागण्यांसाठी ‘लाल वादळ’ पुन्हा मैदानात.ठाणे-पालघर जिल्ह्यांत झालेल्या ‘लाँग मार्च’ व घेराव आंदोलनानंतर तेथील काही महत्त्वाच्या स्थानिक मागण्या मान्य करण्यात आल्या आहेत. मात्र राज्यस्तरीय स्वरूपाच्या मागण्या अद्याप प्रलंबित आहेत. वनाधिकार कायद्याची प्रभावी अंमलबजावणी, तसेच समुद्रात वाहून जाणारे पाणी अडवून ते स्थानिक नागरिकांसह महाराष्ट्राच्या कोरडवाहू भागाला उपलब्ध करून देण्यासह अन्य मागण्यांसाठी नाशिक जिल्ह्यातील विविध तालुक्यांमध्ये गेल्या पाच दिवसांपासून बेमुदत, रात्रंदिवस आंदोलन सुरू आहे..Farmers Protest: हक्कासाठीचा संघर्ष.मात्र राज्यस्तरीय मागण्या अद्याप मान्य करण्यात आलेल्या नाहीत.या सर्व मागण्यांसाठी ‘माकप’ व जनसंघटनांचा राज्यभर लढा सुरू असून जनतेने त्यात सहभागी व्हावे, असे आवाहन पक्षाने केले आहे.केले आहे..आंदोलकांच्या प्रमुख मागण्यावाढवण आणि मुरबे बंदर रद्द करा.शक्तिपीठ महामार्ग रद्द करा.वन जमीन, देवस्थान जमीन, वरकस जमीन, घरांची तळ जमीन श्रमिकांच्या नावे करा.रोजगार हमी कायदा बदलून मजुरांचा रोजगाराचा हक्क मारण्यात आला आहे, या बाबतचा अन्याय दूर करा.स्मार्ट मीटर लादून वीज बिले भरमसाट वाढविण्यात येत आहेत ती स्मार्ट मीटर्स योजना रद्द करा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
