Pune Weather Update: पुणे जिल्ह्यात मंगळवारी पश्चिमेकडील तालुक्यांमध्ये पावसाने समाधानकारक हजेरी लावल्याने खरीप हंगामाला दिलासा मिळाला. बुधवार (ता. १) सकाळी आठ वाजेपर्यंत मावळ तालुक्यातील लोणावळा आणि कुसगाव येथे प्रत्येकी ११० मिलिमीटर पावसाची सर्वाधिक नोंद झाली. मुळशी, हवेली, भोर, वेल्हा, खेड, जुन्नर आणि आंबेगाव तालुक्यांतील विविध महसूल मंडलांमध्येही हलका ते मध्यम पाऊस झाला. .मात्र जिल्ह्याच्या पूर्वेकडील शिरूर, बारामती, इंदापूर, दौंड आणि पुरंदर तालुक्यांमध्ये एकाही महसूल मंडलात पावसाची नोंद झाली नसल्याने खरीप पेरण्यांची गती मंदावलेली असून, शेतकरी दमदार पावसाच्या प्रतीक्षेत आहेत..पश्चिमेकडील डोंगराळ व घाटमाथ्याच्या भागात झालेल्या पावसामुळे भात रोपवाटिका जोमात आल्या असून, लागवडीच्या कामांना गती मिळत आहे. मुळशी, मावळ, वेल्हा आणि भोर तालुक्यांतील भात उत्पादक भागात पाण्याची उपलब्धता वाढल्याने शेतकऱ्यांनी लागवडीची तयारी सुरू केली आहे..Monsoon Rain: पुणे जिल्ह्यातील दहा तालुक्यांत पावसाचा जोर.दुसरीकडे पूर्वेकडील तालुक्यांमध्ये सोयाबीन, मका, बाजरी, तूर आदी खरीप पिकांच्या पेरण्या धीम्या गतीने सुरू आहेत. काही ठिकाणी झालेल्या प्रारंभिक पेरण्यांना अजूनही पावसाची गरज असून, सातत्यपूर्ण पाऊस झाल्यासच खरीप हंगामाला अपेक्षित वेग मिळणार आहे..जिल्ह्यातील तालुकानिहाय पर्जन्यमानाचा विचार करता हवेली तालुक्यात खडकवासला येथे ३० मिलिमीटर पाऊस पडला. तर मुळशीतील आंबवणे येथे ४९ मिलिमीटर, भोरमधील भोलावडे येथे १६ मिलिमीटर, वेल्ह्यातील पाणशेत आणि विंझर येथे प्रत्येकी १४ मिलिमीटर, खेडमधील पाईट येथे २३ मिलिमीटर, तर आंबेगावमधील आंबेगाव मंडलात ३८ मिलिमीटर पावसाची सर्वाधिक नोंद झाली. जुन्नर तालुक्यात सर्व महसूल मंडलांमध्ये हलक्या स्वरूपाच्या सरी पडल्या..Pune Monsoon Rain: पुणे जिल्ह्यात विविध भागांत मॉन्सूनचे दमदार पुनरागमन.पूर्व भागातील मंडले कोरडीपूर्वेकडील शिरूर, बारामती, इंदापूर, दौंड आणि पुरंदर तालुक्यांमध्ये मंगळवारी एकाही महसूल मंडलात पावसाची नोंद झाली नाही. शिरूर तालुक्यातील टाकळी, वडगाव, न्हावरा, मलठण, तळेगाव, रांजणगाव, कोरेगाव, पाबळ, शिरूर आणि निमोणे, बारामती तालुक्यातील बारामती, माळेगाव, पणदरे, वडगाव, लोणी, सुपा, मोरगाव व उंडवडी, इंदापूर तालुक्यातील भिगवण, इंदापूर, लोणी, बावडा, काटी, निमगाव, अंथुर्णी व सणसर, दौंड तालुक्यातील देऊळगाव, पाटस, यवत, कडेगाव, राहू, वरवंड, रावणगाव, दौंड, बोरीभडक, खामगाव, वडगावबांडे, पारगाव व बोरी पार्धी, तसेच पुरंदर तालुक्यातील सासवड, भिवंडी, कुंभारवळण, जेजुरी, परिंचे, राजेवाडी आणि वाल्हा ही सर्व मंडळे पावसापासून दूर होती..बुधवार (ता. १) सकाळी आठ वाजेपर्यंत मंडलनिहाय पडलेला पाऊस, मिमीहवेली : पुणे वेधशाळा ३०, माळे ३०.मुळशी : मुठे ३०, कोळवण ३१, पोमगाव ३०, आंबवणे ४९.भोर : भोर १३, भोलावडे १६, आंबवडे १५.मावळ : वडगाव मावळ २३, तळेगाव २३, काळे १९, कार्ला १३, खडकाळा २५, लोणावळा ११०, शिवणे १९, परिंदवाडी १९, ताकवे बु. २३, वाडेश्वर २३, कुसगाव ११०, ताकवे खु. २५.वेल्हा : पाणशेत १४, विंझर १४.खेड : कुडे १५, पाईट २३, करंजविहिरे २३.आंबेगाव : आंबेगाव ३८..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
