Irrigation Project : अहिल्यानगर डिंभे ते माणिकडोह बोगद्याचा प्रश्न मार्गी लावण्यासाठी श्रीगोंदा तालुक्यातील सर्वपक्षीय नेत्यांनी एकत्रितपणे पाठपुरावा करण्याचा निर्धार केला आहे. या प्रश्नावर घोड व कुकडी लाभक्षेत्रातील शेतकऱ्यांमध्ये मतभेद निर्माण करण्याचा प्रयत्न यशस्वी होऊ देणार नाही, अशी भूमिका बैठकीत मांडण्यात आली..श्रीगोंदा तालुक्यातील आजी-माजी नेते आणि कार्यकर्त्यांची डिंभे ते माणिकडोह बोगद्याच्या प्रश्नावर चर्चा करण्यासाठी बैठक झाली. बैठकीत प्रास्ताविक करताना घनश्याम शेलार म्हणाले, ‘‘डिंभे ते माणिकडोह बोगदा हा कुकडी लाभक्षेत्रातील शेतकऱ्यांच्या भवितव्याचा प्रश्न आहे..Nanded Drought Meeting: दुष्काळी आढावा बैठकीतील काजू-बदामाच्या नाश्त्यावरून विरोधक आक्रमक.हा बोगदा झाल्याशिवाय कुकडी लाभक्षेत्रातील शेतकऱ्यांच्या पाण्याचा प्रश्न कधीही सुटू शकणार नाही. त्यामुळे आता निर्णायक भूमिका घेण्याची वेळ आली आहे. सर्वांनी राजकीय अभिनिवेश बाजूला ठेवून एकजुटीने लढा उभारल्यास नक्कीच यश मिळेल.’’.या बैठकीनंतर माध्यमांशी बोलताना घनश्याम शेलार म्हणाले, ‘‘डिंभे-माणिकडोह बोगद्याच्या प्रश्नावर लाभक्षेत्रातील नेत्यांमध्ये फूट पाडण्याचा प्रयत्न केला जात आहे. मात्र, तालुक्यातील सर्वपक्षीय नेते या प्रश्नावर एकत्र आहेत. आमदार विक्रम पाचपुते बैठकीला उपस्थित राहू शकले नाहीत. मात्र, त्यांनीही सर्वपक्षीय नेत्यांच्या निर्णयाला पाठिंबा दर्शविला आहे.’’.Farm Loan Waiver: नियमित कर्जदारांना २ लाख मिळणार का? ३० ऑगस्टपूर्वी निर्णय शक्य.दरम्यान, बोगद्याला मंजुरी दिल्याबद्दल आणि त्यासाठी ठाम भूमिका घेतल्याबद्दल पालकमंत्री राधाकृष्ण विखे पाटील यांची भेट घेऊन त्यांचा सत्कार करण्याचे बैठकीत ठरले. त्यानंतर विधान परिषदेचे सभापती प्रा. राम शिंदे यांची भेट घेण्यात येणार आहे. विखे पाटील व प्रा. शिंदे यांच्याशी चर्चा करून पुढील दिशा निश्चित केली जाणार असल्याचे शेलार यांनी सांगितले..घोड’वर अन्याय होणार नाहीबैठकीत नेत्यांनी सांगितले की, बोगद्यामुळे घोड धरणाच्या पाण्यावर कोणताही परिणाम होणार नाही. दरवर्षी घोडमधून मोठ्या प्रमाणात पाणी खाली जाते. त्यामुळे डिंभे ते माणिकडोह बोगद्याचा विषय घोड धरणाच्या पाण्याच्या प्रश्नाशी जोडणे योग्य नाही. कुकडी लाभक्षेत्रातील पाण्याचा प्रश्न सोडवण्यासाठी डिंभे ते माणिकडोह बोगदा होणे अत्यावश्यक आहे. त्यासाठी सर्वतोपरी लढा देण्याची आपली तयारी आहे. पहिल्या टप्प्यात शासन दरबारी भूमिका मांडून प्रतिसाद काय मिळतो, ते पाहू; अन्यथा हक्काच्या पाण्याच्या मुद्द्यावर प्रसंगी न्यायालयीन लढाई लढण्याची तयारी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
