Nanded News: एकीकडे अतिवृष्टीच्या फटक्याने शेतकरी गलितगात्र झालेले असताना दुसरीकडे मृत शेतकऱ्यालाच कर्जफेडीची नोटीस पाठविण्यात आल्याच्या प्रकारामुळे येथील शेतकऱ्यांत संतापाची लाट उसळली आहे. .या प्रकाराविरोधात शेतकऱ्यांनी प्रशासनाला धारेवर धरत शासनाकडून कर्जवसुलीला स्थगिती दिलेली असताना नोटीस कशी काय बजावण्यात आली, अशा शब्दांत जाब विचारला..Farmer Loan : सावकारी कर्ज फेडण्यासाठी शेतकऱ्याने विकली किडनी; चंद्रपूर जिल्ह्यातील धक्कादायक घटना.शिखाची वाडी (ता. मुदखेड) येथील खंडू सटवाजी मेंढेवाड यांचा दोन वर्षांपूर्वी मृत्यू झाला आहे. पीककर्जाच्या भरण्यासाठी स्टेट बँकेच्या मुदखेड शाखेने त्यांच्या नावे शनिवारी (ता. १३) नोटीस बजावून त्यांना लोक अदालतीमध्ये हजर राहण्याचा आदेश काढला. याशिवाय, गावातील अनेक शेतकऱ्यांनाही कर्ज परतफेडीसाठी नोटिसा बजाविण्यात आल्या आहेत..Farmers Issues: कॅनमधील डिझेल बंदीने शेतकरी अडचणीत.दरम्यान, यंदा अतिवृष्टी, महापुरामुळे या वर्षी लागवड खर्चही निघाला नसल्याने कर्जाची परतफेड कुठून करावी, या विवंचनेत शेतकरी आहेत. असे असताना पीककर्ज वसुलीसाठी नोटिसा बजावून तगादा लावला जात असल्याने शेतकरी संतप्त झाले आहेत. या शेतकऱ्यांनी बँकेच्या विरोधात मोर्चा काढून प्रशासनाला धारेवर धरत जाब विचारला..मुदखेड तहसील कार्यालयाच्या आवारात शेतातील सोयाबीन ओतून त्यांनी आपला राग व्यक्त केला. तसेच, मृत शेतकऱ्याविरोधात नोटीस काढल्याचा निषेधही नोंदविला. सामूहिक आत्मदहनाची परवानगी द्यावी, अशी मागणी या वेळी शेतकऱ्यांनी शासनाकडे केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
