Livestock Rules: सीमेलगत असणाऱ्या इतर राज्यातून येणाऱ्या पशुधनाचे टॅगिंग नसल्यामुळे खरेदी-विक्रीचा व्यवहार हा पारदर्शक पद्धतीने होत नसल्याचे दिसून येते आहे. या अनुषंगाने जिल्हाधिकारी दिलीप स्वामी यांनी जिल्ह्यात येणाऱ्या पशुधनाचे टॅगिंग आणि नोंदणी असणे आवश्यक असल्याचे त्यांनी सांगितले. .जिल्ह्यामध्ये असणाऱ्या पशुधनांचे योग्य वेळी लसीकरण आणि त्यांचे खरेदी -विक्री पारदर्शक व्हावी यासाठी त्यांचे टॅगिंग होणे आवश्यक आहे, शासकीय नियमानुसार शेतकरी किंवा पशुपालन व्यवसाय करणाऱ्यांच्या नावाशी पशुधनाचे टॅगिंग नोंदीत असणे आवश्यक असल्याचे जिल्हाधिकारी दिलीप स्वामी यांनी सांगितले. .Cattle Ear Tagging: ईअर टॅगिंग नसल्यास जनावरांची खरेदी-विक्री नाही; श्रीकृष्ण घुमरे.यासाठी पशुसंवर्धन विभाग, पोलिस प्रशासन आणि परिवहन विभाग यांनी याबाबत वाहतूक होत असताना तसेच खरेदी-विक्री होत असताना टॅगिंग असणाऱ्या पशुधनाची तपासणी करण्यात यावी. संबंधित व्यापाऱ्यांना पशुधन बाजाराच्या ठिकाणी जनावरांच्या जसे गाय, बैल, शेळी, म्हैस, यांच्या कानावर असलेल्या बिल्ला किंवा शिक्का आहे किंवा नाही याची माहिती देणारे पत्र किंवा लेखी नोंदी असणे आवश्यक असल्याचे ते म्हणाले..livestock Vaccination: पशुवैद्यक महाविद्यालयातर्फे इटलापूर येथे पशुधनाचे लसीकरण .उन्हाळ्याच्या पार्श्वभूमीवर उष्माघातापासून बचाव करण्यासाठी पशुसंवर्धन विभागाने पशुधनाची योग्य काळजी घेण्यासाठी लसीकरण, चारा उपलब्धता आणि पाण्याची व्यवस्था याबाबत नियोजन करावे. .उष्माघातापासून बचाव करण्यासाठी प्रतिबंधात्मक सूचना शेतकऱ्यांना देण्यात याव्यात. २९ मार्चपूर्वी जिल्ह्याच्या पशुधन लसीकरणाचे दिलेले उद्दिष्ट विभागाने पूर्ण करण्याचे निर्देश जिल्हाधिकारी स्वामी यांनी दिले. जिल्ह्यामधील पशुधनाच्या लाळ खुरकूत प्रतिबंधक लसीकरण मोहिमेअंतर्गत ५७ टक्के लसीकरण पूर्ण झाल्याचे जिल्हा पशुसंवर्धन उपआयुक्त नानासाहेब कदम यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
