सोलापूर : ग्रामदैवत श्री सिद्धरामेश्वर यात्रेनिमित्त यंदाही येत्या ११ जानेवारीपासून पशुधन बाजारास सुरुवात होणार आहे. या पार्श्वभूमीवर श्री रेवणसिद्धेश्वर मंदिर परिसरातील मैदानात आवश्यक त्या सर्व सुविधा उपलब्ध करून देण्यात आल्या असून तयारी पूर्ण झाली आहे, अशी माहिती यात्रा समितीने दिली..ग्रामदैवत श्री सिद्धरामेश्वर यात्रेनिमित्त दरवर्षी श्री रेवणसिद्धेश्वर मंदिर परिसरात भरणारा जनावरांचा बाजार महाराष्ट्रातील सीमाभागासह कर्नाटक, आंध्र प्रदेशात प्रसिद्ध आहे. महाराष्ट्रासह या राज्यांतून जनावरे विक्रीसाठी दाखल होतात. विशेषतः खिलार बैल, गायी व म्हशींसाठी हा बाजार ओळखला जातो..Livestock Market : बुलडाणा जिल्ह्यात जनावरांच्या खरेदी-विक्रीवर बहिष्कार.यात्रेनिमित्त यंदा ११ जानेवारीपासून जनावर बाजार भरणार आहे. २० जानेवारीपर्यंत बाजार चालेल. त्या पार्श्वभूमीवर यात्रा समितीने जय्यत तयारी केली आहे. जनावरांच्या बाजारासाठी महापालिकेने रेवणसिद्धेश्वर मंदिर परिसरातील जागा देवस्थानकडे हस्तांतरित केली आहे..Livestock Market : उन्हाळा सुरू होताच पशुधनाची वाढली विक्री.रोज ४० लाखांहून अधिकची उलाढालया जनावरांच्या बाजारात महाराष्ट्राच्या विविध भागासह तीन राज्यांतून २५ हजारांहून अधिक जनावरे विक्रीसाठी दाखल होता. रोज सुमारे ८० हून अधिक प्रकारच्या जनावरांची खरेदी-विक्री होते. तर यातून रोज ४५ लाखांहून अधिक उलाढाल होते. तसेच चारा, पशुखाद्य, पेंड यासह घंटा, दोरखंड विक्री यातूनही मोठी उलाढाल होते. बाजारस्थानी त्यांचे स्टॉल लागतात. त्याशिवाय चहा कँटीन, हॉटेल, खाद्यपदार्थांचे गाडेही लागतात. त्यातूनही मोठी उलाढाल होते.यंदा ११ ते २० जानेवारी या कालावधीत जनावरांचा बाजार भरणार आहे. त्यासाठी स्वच्छता, पिण्याचे पाणी व विजेची सुविधा पुरविण्याची तयारी पूर्ण झाली आहे. खिलार जातीच्या गोवंशासाठी हा बाजार प्रसिद्ध आहे. मात्र, यांत्रिकीकरणामुळे बैलांची संख्या घटली आहे. गेल्याकाही वर्षांत म्हशींची खरेदी-विक्री वाढली आहे.- नीलकंठप्पा कोनापुरे, अध्यक्ष, जनावर बाजार समिती, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.