Pune News: राज्यात ऑगस्ट ते सप्टेंबर दरम्यान २८ जिल्ह्यांत झालेल्या अतिवृष्टीमध्ये लहान-मोठे ८६७८ पशुधन, तर १ लाख ६४ हजार ८२४ कोंबड्या मृत झाल्या आहेत. या सर्व पशुधनाला मदत व पुनर्वसन विभागाद्वारे नुकसान भरपाई देण्याची प्रक्रिया सुरू असून, दुधाळ व ओढकाम करणाऱ्या मृत पशुधनाच्या नुकसानीची ३ संख्येची मर्यादा शिथिल करण्यात आली आहे. यामुळे आता तीनपेक्षा अधिक मृत पशुधनाच्या नुकसान भरपाईचा मार्ग मोकळा झाला आहे. .ऑगस्ट व सप्टेंबर महिन्यांत राज्याच्या विविध २८ जिल्ह्यांत अतिवृष्टी झाली होती. यामध्ये लातूर, नाशिक आणि छत्रपती संभाजीनगर विभागातील १२ जिल्ह्यांमध्ये सर्वाधिक पशुधन मृत झाल्याचे पशुसंवर्धन विभागाने स्पष्ट केले आहे. तर २८ जिल्ह्यांमधील १४२ तालुके आणि ८३७ गावे बाधित झाली आहेत. यामध्ये मोठे सुमारे ४८११ आणि लहान ३८६७ पशुधन मृत झाले आहे. तर १ लाख ६४ हजार ८२४ कोंबड्या मृत झाल्या आहेत..Flood Livestock Loss : वाहून गेलेल्या पशुधनाला बाजारभावाप्रमाणे मदत द्या.या सर्व मृत पशुधनाला शासन निर्णयानुसार नुकसान भरपाईची प्रक्रिया मदत व पुनर्वसन विभागाद्वारे सुरू आहे. तर पशुसंवर्धन विभागाद्वारे आजारी आणि जखमी पशुधनांवर उपचार सुरू आहेत. यामध्ये पशुधनाची रोगप्रतिकारक क्षमता वाढीसाठी लसीकरण हाती घेण्यात आले असून, ६५ लाख ३२ हजार गोवंशीय आणि ३१ लाख २५ हजार म्हैस वर्गीय पशुधनाचे लसीकरण करण्यात आले आहे. तर ७६ लाख ९९ हजार शेळ्या मेंढ्यांचे लसीकरण करण्यात आल्याचे पशुसंवर्धन आयुक्त डॉ. प्रवीणकुमार देवरे यांनी सांगितले..Flood Livestock Loss : शेवगाव, पाथर्डी, जामखेडला सर्वाधिक जनावरांचा मृत्यू....असे आहेत भरपाईचे निकषदुधाळ म्हैस-गाय : ३७ हजार ५०० रुपये प्रति पशुधनशेळी-मेंढी-वराह : ४ हजार रुपयेबैल-अश्व : ३२ हजार रुपयेवासरे, गाढव, शिंगरू, खेचरे, कालवडी : २० हजार प्रति पशुधनप्रति कोंबडी १०० रुपये : १० हजार रुपये प्रति कुटुंब मर्यादा.अतिवृष्टिबाधित क्षेत्रातील मृत पशुधनाच्या नुकसानीची अट शिथिल करण्यात आली आहे. मृत झालेल्या सर्व पशुधनाला शासन निर्णयानुसार मदत देण्यात येणार आहे.डॉ. प्रवीणकुमार देवरे, पशुसंवर्धन आयुक्त.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
