Akola News: भारतीय कापूस महामंडळ (सीसीआय) या केंद्र सरकारच्या संस्थेने हमीभावाने प्रति एकर ५ क्विंटल ६० किलोच कापूस खरेदी करण्याची मर्यादा घातली आहे. अन्यायकारक असल्याने ती उठवावी, अशी मागणी शेतकरी संघटनेने केली आहे. या बाबत अकोला जिल्हाधिकारी वर्षा मीना यांना संघटनेच्या पदाधिकाऱ्यांनी निवेदनसुद्धा दिले..शरद जोशी प्रणीत शेतकरी संघटनेचे जिल्हाध्यक्ष अविनाश पाटील नाकट, सोशल मीडिया राज्य प्रमुख विलास ताथोड, युवा आघाडीचे विदर्भ प्रमुख डॉ. नीलेश पाटील, सदस्य राहुल बहाळे, सतीश सरोदे, गजानन चौधरी यांनी ‘सीसीआय’च्या कापूस खरेदीबाबतच्या मुद्यावर शासनाचे लक्ष वेधले आहे..Cotton Harvest Wage: कापूस वेचणी मजुरी दर पोहोचला ११ रुपये किलोवर.संघटनेने निवेदनात म्हटले, की या वर्षी खरीप हंगामात सोयाबीन, कपाशी, तूर पिकांचे नुकसान झाले. सततच्या पावसामुळे सोयाबीनच्या पिकाला शेंगा न लागल्याचे प्रकारसुद्धा समोर आले. अतिवृष्टीचा फटका फळबागांनाही बसला. शेतजमीन खरडून गेली. त्यामुळे महसूल, जिल्हा परिषद व कृषी विभागाने संयुक्तपणे केलेल्या पंचनाम्यांचे अंतिम अहवाल तयार केले. यातही कपाशीचे प्रचंड नुकसान झाल्याचे दिसून आले..Cotton Market: खानदेशात कापसाची आवक अल्प.अशा स्थितीत आता जिल्ह्यात ‘सीसीआय’मार्फत शासकीय कापूस खरेदी सुरू करण्यात येत आहे. या खरेदी प्रक्रियेअंतर्गत ‘सीसीआय’ने शेतकऱ्याकडून प्रति एकर फक्त ५ क्विंटल ६० किलो कापूस खरेदी करण्याची अट घातली आहे, ही मर्यादा गैरसोयीची आहे. शेतकरी संकटात सापडला असताना शेतकऱ्याचा संपूर्ण कापूस खरेदी करणे, ही सरकारची जबाबदारी ठरते. .या अटीमुळे खरेदी केंद्रावर अनावश्यक गर्दी होण्याची व खरेदी प्रक्रिया मंदावण्याची दाट शक्यता आहे. शेतकऱ्यांची गैरसोय टाळण्यासाठी आणि कापूस खरेदी प्रक्रिया अधिक सुरळीत करण्यासाठी ‘सीसीआय’ने कापूस खरेदीची मर्यादा हटवावी, अशी आग्रही मागणी शेतकरी संघटनेने केली आहे..दरम्यान यंदा नैसर्गिक आपत्तीमुळे कापूस पिकाचे अतोनात नुकसान झाले आहे. त्यामुळे उत्पादनातही घट होण्याची शक्यता आहे. त्यामुळे शेतकरी हैरान झाले आहे. अशा स्थितीमध्ये शासनाकडून नियम, अटी लावून पुन्हा संकटे वाढविली जात आहे. कापूस खरेदीतील मर्यादा काढून टाकण्याची मागणी केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
