Latur News: शिरूर अनंतपाळ तालुक्यातील तळेगाव, शिरूर अनंतपाळ, साकोळ मध्यम प्रकल्प, कळमगाव बेटाशेजारी मंगळवारी (ता. २३) बिबट्या दिसल्याचा फोटो समाजमाध्यमावर प्रसारित झाल्याने शेतकऱ्यांमध्ये भीतीचे वातावरण असून, वन विभागाचे कर्मचारी व शेतकरी संभ्रमावस्थेत आहेत. .मागील तीन दिवसात बिबट्याकडून कुठल्याही प्रकारचे नुकसान, प्राण्याची जीवितहानी झालेली नाही. तसेच तळेगाव दे., पांढरवाडी, अजनी बु., भिगोली शेतशिवारात बिबट्या दिसत असल्याचे सांगण्यात येत असून, तसे व्हिडिओ व फोटो सोशल मिडीयावर प्रसारीत होत असल्याने तालुक्यात बिबट्याची दहशत निर्माण झाली आहे..Leopard Terror: पारनेर तालुक्यात महिनाभरात पकडले नऊ बिबटे.वनविभागाचे अधिकारी व कर्मचाऱ्यांकडून सोशल मिडीयावर टाकलेल्या व्हिडिओ व फोटोचे लोकेशनचा पत्ता काढत शोध घेण्यात येत असला तरी त्यांना पण कोणताही पुरावा आढळून आलेला नाही. .Leopard Terror: शहरात पुन्हा बिबट्या आल्याची अफवा .तसेच काही शेतकरी पोलिसांच्या ११२ क्रमांकावर कॉल करून बिबट्या दिसल्याचे सांगत आहेत. याची दखल घेत पोलिस पथकही काही ठिकाणी जाऊन स्थळ पाहणी करीत आहे. याबाबत वनपरिक्षेत्र अधिकारी शुभम पवार म्हणाले, शिरूर अनंतपाळ तालुक्यात जागोजागी बिबट्या असल्याचा सोशल मीडियावर चर्चा सुरु आहे. .वनविभागाचे पथक प्रत्येक ठिकाणी भेट देवून पाहणी करीत असून, कोठेही बिबट्या असल्याचे आढळून आलेले नाही. नागरिकांनी अफवांवर विश्वास ठेवू नये..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
