Yavatmal News: ग्रामीण पुसद पोलिस ठाण्याअंतर्गत असलेल्या बोरी इजारा, साई इजारा शेतशिवारात मागील काही दिवसांपासून बिबट्याचा वावर वाढला आहे. कापूस वेचणी करीत असलेल्या शेतमजुरांना प्रत्यक्ष बिबट्याचे दर्शन झाल्याने भीतीचे सावट गडद झाले आहे. .दोन दिवसांपूर्वी मधुकर खेमा राठोड व पितू राठोड यांना शेतात मोठ्या डरकाळ्यांचा आवाज ऐकू आल्यानंतर त्यांनी जीव वाचविण्यासाठी तातडीने शेतातून पळ काढला व इतर शेतकऱ्यांना दक्ष केले. यानंतर शेतकरी वर्गात भीतीचे वातावरण अधिकच वाढले होते..Kolhapur Leopard Attack: कोल्हापूर शहरातील मुख्य वस्तीत बिबट्याचा थरार, तिघांवर हल्ला, दोन तासांत जेरबंद.त्यानंतर विशाल जाधव आणि गोपाल जाधव यांच्या नवाटी जवळील शेतात कापूस वेचणीसाठी गेलेल्या प्रकाश दुमारे, आयुब भाई आणि इतर महिला-मजुरांना अचानक बिबट्या दिसला. याची दखल घेत शेतकरी नेते मनीष जाधव यांनी काळी दौलतखान वन परिक्षेत्रातील अधिकारी मेश्राम यांना तातडीने उपाययोजना करण्याची विनंती केली. रब्बी हंगामाच्या तोंडावर शेतकरी दिवसाचा वीजपुरवठा नसल्याने रात्री जीव धोक्यात घालून सिंचन करीत आहेत..शेतात कापूस वेचणी सुरू असून मजूर दहशतीत आहेत. वनपरिक्षेत्र अधिकारी मेश्राम यांनी या भागात बिबट्याचा वावर असल्याची अधिकृत पुष्टी दिली आहे. यापूर्वी मोरवाडी शिवारात सात गुरे तसेच रानडुकर फस्त झाल्याची नोंद आहे. बिबट्या खामलवाडी-ब्रह्मी परिसरातही दिसल्याचे ग्रामस्थांनी सांगितले. या परिसरात १४ नोव्हेंबर रोजी वन विभागाच्या ट्रॅपमध्ये आलेल्या बिबट्याचा फोटो अधिकृत रेकॉर्डवर आहे..Leopard Attack : बिबट्याचा हल्ल्यात पोल्ट्रीत शंभरहून अधिक कोंबड्यांचा फडशा.यामुळे या भागात फेरफटका मारणाऱ्या बिबट्याची धास्ती अधिक वाढली आहे, असे श्री. जाधव यांनी सांगितले. वन विभागाची तत्काळ कारवाई बोरी-साई इजारा शेतशिवारात वन विभागाचा चमू दाखल होऊन उपाययोजना सुरू केल्या आहेत. शेतकरी व मजुरांना दक्षता उपायांबाबत जनजागृती, शिवारात गस्त वाढविणे, सीसीटीव्ही कॅमेरे बसविण्याची तयारी, सापळे लावून बिबट्याला पकडण्याची मोहीम आदी उपाययोजना सुरू केल्या आहेत..वन विभागाने तातडीने दखल घेतल्याबद्दल शेतकरी आणि शेतमजुरांनी समाधान व्यक्त केले. या वेळी श्री. जाधव, जिल्हा परिषदेचे माजी सदस्य परशराम डवरे, वन विभागाचे केंद्रे, हगवणे, वाडगे, वनरक्षक विशाल जाधव, खामलवाडीचे पोलिस पाटील शंकर पवार, गोपाल जाधव, आयुब भाई व अनेक शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
